လွိုင်ကော်မြို့တွင် စစ်ကောင်စီတပ်က လက်နက်ကြီးပစ်ခတ်မှုကြောင့် နေအိမ်များပျက်စီးကာ ပြည်သူတစ်ဦးသေဆုံးခဲ့ကြောင်း ဒေသခံများက ပြေယသည်။
အောက်တိုဘာ ၆ရက်က လွိုင်ကော်မြို့တွင်း၌ လုံခြူုရေးယူထားသည့် စစ်ကောင်စီတပ်ဖွဲ့ကို ပြည်သူ့ကာ ကွယ်ရေးတပ်ဖွဲ့ဝင်များက ယမန်နေ့ညတွင် ဝင်ရောက်ပစ်ခတ်မှုဖြစ်ပွားခဲ့ရာ စစ်ကောင်စီတပ်များက လက်နက် ကြီးဖြင့် လူနေရပ်ကွက်များပေါ်သို့ ရမ်းသမ်းပစ်ခတ်ခဲ့ခြင်းဖြစ်သည်။
”နမ့်ဘော်ဝမ်ဘက်က လူကြီးတစ်ယောက်သေသွားတယ်။လူကြီး သုံးယောက်နဲ့ ကလေးနှစ်ယောက်လည်း ဒဏ်ရာရတယ်”ဟု နမ့်ဘော်ဝမ်နေထိုင်သူ တစ်ဦးက ပြောသည်။
ထို့အပြင် လူနေရပ်ကွက်များဖြစ်သော ရေနီကန်နှင့် ဧက ၅၀၀ တို့တွင်လည်း လက်နက်ကြီးပစ်ခတ်မှုကြောင့် ထိခိုက်သူသုံးဦး ရှိသောကြောင့် စုစုပေါင်း ဒဏ်ရာရရှိသူ အမျိုးသားလေးဦးနှင့် အမျိုးသမီးလေးဦး စုစုပေါင်း ရှစ်ဦးဒဏံရာရရှိခဲ့သည်။
Public Service Announcement
ထို့ကြောင့် ကယားပြည်နယ်အတွင်း အကြမ်းဖက်စစ်ကောင်စီ၏ အကြောင်းမဲ့ပစ်ခတ်မှုကြောင့် အရပ်သားများ သေဆုံးမှုအရေအတွက် ၈၀ ကျော်လာပြီဖြစ်သည်။
အကြမ်းဖက်စစ်ကောင်စီတပ်များသည် ကယားပြည်နယ်သို့ အင်အားအများအပြားကို ဖြည့်တင်းလျက်ရှိသောကြောင့် ဒေသခံသောင်းနှင့်ချီ၍ဘေးလွတ်ရာသို့ တိမ်းရှောင်နေရသည်။
(စစ်ကောင်စီတပ်က ရမ်းသမ်းပစ်ခတ်မှုကြောင့် သေဆုံး၊ ဒဏ်ရာရရှိသူများနှင့် နေအိမ်များပျက်စီးနေသည်ကို တွေ့ရစဥ်၊ ဓာတ်ပုံ – Cj)
