Connect with us

Hi, what are you looking for?

News

စစ်အာဏာသိမ်းမှုကို ရပ်တန့်ဖို့နဲ့ ကျဆုံးသွားတဲ့မြန်မာပြည်သူတွေအတွက် တာဝန်ခံမှုရှိစေရေး လုပ်ဆောင်ဖို့ ကုလအဖွဲ့ဝင်နိုင်ငံတွေကို မြန်မာသံအမတ်ကြီးတိုက်တွန်း

တရားမဝင် စစ်အာဏာသိမ်းမှုအောက်မှာ တရားရေးရာယန္တရားတွေနဲ့ အဖွဲ့အစည်း များ အားလုံးကို ဆုံးရှုံးခဲ့ပြီဖြစ်ပြီး ဒီမိုကရေစီဆန်သော ဥပဒေပြုရေးလုပ်ငန်းစဉ်များ အားလုံးကိုလည်း အာဏာရှင်ရဲ့ စည်းမျဉ်းတွေနဲ့ အစားထိုးခံထားရပြီဖြစ်တယ်လို့ ဦးကျော်မိုးထွန်းက ရှင်းပြပါ တယ်။

မြန်မာနိုင်ငံမှာ တရားဥပဒေစိုးမိုးမှုကို ပြန်လည်ဖော်ဆောင်နိုင်ရေးအတွက် တရားမဝင် စစ်အာဏာသိမ်းမှုကို ရပ်တန့်ခြင်းနဲ့ သူတို့ရဲ့လုပ်ရပ်တွေကြောင့် ဆုံးရှုံးသွားတဲ့ ပြည်သူ့ အသက်ပေါင်းများစွာအတွက် တာဝန်ခံမှုရှိစေရေးတို့နဲ့ စတင်ဖို့ ကုလသမဂ္ဂဆိုင်ရာမြန်မာသံအမတ်ကြီး ဦးကျော်မိုးထွန်းက မနေ့က တိုက်တွန်းပါတယ်။

ကျင်းပနေဆဲ ကုလသမဂ္ဂအထွေထွေညီလာခံ ဆဌမကော်မတီရဲ့ မျက်နှာစုံညီအစည်းအဝေးမှာ မြန်မာသံအမတ်ကြီးက တိုက်တွန်းခဲ့တာဖြစ်ပြီး တရားဝင် ရွေးကောက်ခံအစိုးရတစ်ရပ်ကို ဥပဒေမဲ့စွာ အာဏာရယူခြင်း ထက်ပို၍ တရားဥပဒေ စိုးမိုးရေးကိုအကြွင်းမဲ့ လျစ်လျူရှုတဲ့ လုပ်ရပ်မရှိတော့ဘူးလို့ အဖွဲ့ဝင်နိုင်ငံတွေကို ပြောကြားခဲ့ပါတယ်။

ကုလသမဂ္ဂအဖွဲ့အစည်းရဲ့ ပင်မရည်ရွယ်ချက်က ကမ္ဘာ့ငြိမ်းချမ်းရေးနဲ့ လုံခြုံရေးကို ထိန်းသိမ်းဖို့၊ တရားမျှတမှုနဲ့ အပြည်ပြည်ဆိုင်ရာဥပဒေတို့ကို ဦးစားပေး မြှင့်တင်ဖို့ ဖြစ်တာကြောင့် မြန်မာစစ်တပ်ရဲ့ လုပ်ရပ်တွေကို ရှုတ်ချ ရာမှာ တိကျပြတ်သားသင့်တယ်လို့ မြန်မာသံအမတ်ကြီးက အကြံပြုပါတယ်။

တရားမဝင် စစ်အာဏာသိမ်းမှုအောက်မှာ တရားရေးရာယန္တရားတွေနဲ့ အဖွဲ့အစည်း များ အားလုံးကို ဆုံးရှုံးခဲ့ပြီဖြစ်ပြီး ဒီမိုကရေစီဆန်သော ဥပဒေပြုရေးလုပ်ငန်းစဉ်များ အားလုံးကိုလည်း အာဏာရှင်ရဲ့ စည်းမျဉ်းတွေနဲ့ အစားထိုးခံထားရပြီဖြစ်တယ်လို့ ဦးကျော်မိုးထွန်းက ရှင်းပြပါ တယ်။

Public Service Announcement

Public Service Announcement

ဒါ့အပြင် စစ်ကောင်စီရဲ့ တရားခွင်တွေမှာလည်း အရပ်သားပြည်သူတွေရဲ့ အမှုကိစ္စတွေကို အပေါ်ယံမျှသာ စစ်ဆေးပြီး ပြစ်မှုတစ်ခုချင်းစီကို သေဒဏ် ကဲ့သို့သော အပြင်းထန်ဆုံး စီရင် ဆုံးဖြတ်ချက်များ ချမှတ်နေတယ်လို့ သံအမတ်ကြီးက ဆက်ပြောပါတယ်။

အဲဒီလို တရားဥပဒေစိုးမိုးရေးကို ချိုးဖောက်မှုနဲ့ လေးစားလိုက်နာဖို့ ပျက်ကွက်မှုတွေ ဖြစ်ပေါ် ရတဲ့ အဓိကရင်းမြစ်ကြောင်းခံမှာ လက်ရှိ ရှုံးနိမ့်နေသော အာဏာသိမ်းမှုကို ကျူးလွန်ထားတဲ့ တရားခံတွေအပေါ် အရေးယူဒဏ်ခတ်မှုမရှိခြင်း အလေ့အထကြောင့်ပင်ဖြစ်တယ်လို့ ကုလသမဂ္ဂ အဖွဲ့ဝင်နိုင်ငံတွေကို မြန်မာသံအမတ်ကြီးက ပြောကြားခဲ့ပါတယ်။

ဆက်စပ်သတင်းများ

သတင်း

ကုလသမဂ္ဂမှာ မြန်မာအမြဲတမ်းကိုယ်စားလှယ်သံအမတ်ကြီး ဦးကျော်မိုးထွန်းကို ဆက်လက်ထောက်ခံအားပေးဖို့ အမေရိကန်လွှတ်တော်အမတ် ၆ဦးက ကုလသမဂ္ဂဆိုင်ရာ အမေရိကန်မစ်ရှင် သံအမတ်ကြီးမိုက်ဝေါ့ဇ်ဆီကို ပူးတွဲလက်မှတ်ရေးထိုး တောင်းဆိုလိုက်ပါတယ်။

ဆောင်းပါး

“အာဏာသိမ်းမှုနောက်ပိုင်း မြန်မာနိုင်ငံသား ၃၇ သန်းကျော်၊ နိုင်ငံလူဦးရေရဲ့ ၆၈ ရာခိုင်နှုန်းအထိ ဆင်းရဲမွဲတေမှုထဲ နစ်မြုပ်လာပါတယ်။”

သတင်း

စစ်အုပ်စုဟာ လူမှုဖွံ့ဖြိုးတိုးတက်ရေးအတွက် မိတ်ဖက်မဖြစ်နိုင်ဘူးလို့ ပြော

အတွေးအမြင်

ကျုံးအတွင်းဘက် နန်းမြို့ရိုးဘေးက ​ဆောင်း​ဘောက်စ်တွေကထွက်လာတဲ့ကျယ်​လောင်တဲ့​သီချင်းသံ​တွေက ကျုံးပတ်ဝန်ကျင်ကိုဖုံးလွှမ်းနေပါတယ်။လူငယ်အများစုနဲ့ လူကြီးအချို့ပါဝင်တဲ့ အပြေးပြိုင်ပွဲအပြီးစည်ဘီယာတွေအပိုင်းလိုက်ထောင်ကာ အောင်ပွဲခံ အော်ဟစ် နေကြတာပါ။

Facebook