CDMဆရာမက (၇) နှစ်မြောက်သားမွေးနေ့အလှူအဖြစ် ချောင်းဦး PDF သို့လှူဒါန်း

စစ်အာဏာရှင်ကို ဆန့်ကျင်နေသည့် CDM ကျောင်းဆရာမတစ်ဦးက သူမ၏သား (၇)နှစ်မြောက်မွေးနေ့အလှူအဖြစ် ချောင်းဦးPDFသို့ အလှူငွေ လှူဒါန်းသည်။

စစ်ကိုင်းတိုင်းဒေသကြီး ချောင်းဦးမြို့နယ်မှ CDM ကျောင်းဆရာမတစ်ဦးက သူမ၏သား (၇)နှစ်မြောက်မွေးနေ့အလှူအဖြစ် တော်လှန်ရေးရံပုံငွေ သုံးသောင်းကို လှူဒါန်းပေးခဲ့ကြောင်း ချောင်းဦးPDFက ယနေ့(အောက်တိုဘာ ၁၀)သတင်းထုတ်ပြန်သည်။

ယင်းကဲ့သို့ လှူဒါန်းမှုအတွက် လေးစားဂုဏ်ယူကြောင်း အလှူရှင် CDM ကျောင်းဆရာမကို ဖေစ့်ဘွတ်ခ်လူမှုကွန်ရက် သုံးစွဲသူများက ချီးကျူးနေကြသည်။

စစ်ကောင်စီကို ခုခံစစ်ဆင်နွဲနေသည့် ပြည်သူ့ကာကွယ်ရေးတပ်ဖွဲ့(PDF)များထံ လက်နက်တပ်ဆင်နိုင်ရေးအတွက် အလှူငွေ လှူဒါန်းကြရန် ပြည်သူအချင်းချင်းက ဆော်သြနေကြသည်။

Public Service Announcement

စစ်အာဏာရှင်အမိန့်ကိုမနာခံဘဲ အာဏာဖီဆန်မှုပြုလုပ်နေသော နိုင်ငံတစ်ဝန်းရှိ CDM ဝန်ထမ်းအများစုမှာ
အကြမ်းဖက်စစ်ကောင်စု၏ ခြိမ်းခြောက်မှုအပါအဝင် အခက်အခဲမျိုးစုံရင်ဆိုင်နေကြရသည်။ထိုအခြေအနေတွင် CDM ဆရာမကိုယ်တိုင်ကသားမွေးနေ့အလှူအဖြစ် ပြည်သူ့ကာကွယ်ရေးတပ်ဖွဲ့သို့လှူဒါန်းခြင်းကြောင့် ပြည်သူများ၏ ချီးကျူးမှုခံနေရခြင်းဖြစ်သည်။

“ဆရာမရေ အမြဲတမ်း ဂုဏ်ယူနေမှာပါဗျ”ဟု ဖေစ့်ဘွတ်ခ်သုံးစွဲသူတစ်ဦးကလည်း မှတ်ချက်ပြုသည်။