မကွေးတိုင်း မြို့သစ်မြို့နယ်ရှိ စစ်ကောင်စီခန့် အုပ်ချုပ်ရေးမှူးတစ်ဦးအား သုတ်သင်ရှင်းလင်းခဲ့ကြောင်း ဗိဿနိုးနယ်မြေ ပြည်သူ့ကာကွယ်ရေတပ်တော်(ဗိဿနိုးPDF)က သတင်းထုတ်ပြန်သည်။
ယမန်နေ့(အောက်တိုဘာ၁၃) ညနေ ၄နာရီခွဲအချိန်ခန့်က မကွေးတိုင်း မြို့သစ်မြို့နယ် ပုလင်းပြားကြီးကျေးရွာ အကြမ်းဖက်စစ်ကောင်စီခန့် အုပ်ချုပ်ရေးမှူးဖြစ်သူ စစ်ကောင် စီသတင်းပေးအကြီးစား ဝင်းစိုးအား အထွေထွေအုပ်ချုပ်ရေးမှူးရုံးမှ အစည်းအဝေးတက်ပြီး ပြန်အလာတွင် သုတ်သင်ရှင်းလင်းခဲ့ကြောင်း ဗိဿနိုးနယ်မြေပြည်သူ့ကာကွယ်ရေး တပ်မတော်က အသိပေးသည်။
မိမိတို့နယ်မြေအတွင်း၌ အကြမ်းဖက် စစ်ကောင်စီအလိုကျ ဆောင်ရွက်နေသော အုပ်ချုပ်ရေးမှူး များအနေဖြင့် အချိန်မီ နှုတ်ထွက်ရန် သတိပေးလိုက်ပြီး နှုတ်ထွက်ခြင်းမရှိသော အုပ်ချုပ်ရေးမှူးများ၏ အသက်အိုးအိမ် စည်းစိမ်များအား လုံးဝ (လုံးဝ) တာဝန်ယူမည်မဟုတ်ကြောင်း လေးလေးနက်နက် သတိပေးလိုက်သည်ဟု ဗိဿနိုးနယ်မြေပြည်သူ့ကာကွယ် ရေးတပ်မတော်က သတိပေးချက်ထုတ်ပြန်သည်။
မိမိတို့အဖွဲ့သည် ပြည်သူ့ကာကွယ်ရေးတပ်ဖွဲ့များနှင့် ပူးပေါင်းကာ စစ်အာဏာရှင်စနစ် အမြစ်ပြုတ်သည်အထိ တိုက်ခိုက်သွားမည်ဖြစ်ပြီး ပြည်သူလူထုအနေဖြင့် ပူးပေါင်းပါဝင်ကြပါရန် ဗိဿနိုးနယ်မြေ ပြည်သူ့ကာကွယ်ရေးတပ်မတော်က မေတ္တာရပ်ခံထားသည်။
Public Service Announcement
စက်တင်ဘာလ ၁၁ ရက်ကလည်း ပုလင်းပြားကြီးကျေးရွာ အုပ်စုရှိ ပုလင်းကျေးရွာအုပ်ချုပ်ရေးမှူး ဦးဗိုလ်ဝဲအား သေနတ်နှင့်ပစ်ခတ်ခံခဲ့ရပြီး သေဆုံးခြင်းမရှိကြောင်း၊ ပုလင်းပြားကြီးကျေးရွာအုပ်စုအတွင်း စစ်ကောင်စီခန့်အုပ်ချုပ်ရေးမှုးများကြောင့် လူငယ် ၅ ဦးထက်မနည်း ဖမ်းဆီးခံထားရကြောင်း ဒေသခံများက ပြောသည်။
