Connect with us

Hi, what are you looking for?

LuduNwayOo

News

အရာတော်မြို့နယ်တွင် စစ်ကောင်စီရဲကားနှစ်စီးမိုင်းခွဲတိုက်ခိုက်ခံရ၊ ရဲ ၁၀ဦးထက်မနည်းဒဏ်ရာရ

တိုက်ခိုက်မှုဖြစ်စဥ်ကို အရာတော်မြို့နယ် သတင်းမှန်ပြန်ကြားရေးဌာနက သတင်းထုတ်ပြန်ပြီးနောက် စစ်ကောင်စီ၏ကားများ သွားလာနေသည့်လမ်းကြောင်းကို ဒေသခံများက မှတ်ချက်ပြုသတင်းပေးခဲ့ကြသည်။

စစ်ကိုင်းတိုင်း ရွှေဘိုခရိုင် အရာတော်မြို့နယ်တွင် စစ်ကောင်စီရဲကားနှစ်စီးမိုင်းဆွဲတိုက်ခိုက်ခံရပြီး ရဲ၁၀ဦးထက်မနည်းဒဏ်ရာရရှိသွားကြောင်း အရာတော်မြို့နယ် သတင်းမှန်ပြန်ကြားရေးက ထုတ်ပြန်သည်။

ယနေ့ (အောက်တိုဘာလ ၁၄ ရက်) မွန်းလွဲ ၁နာရီခန့်က အရာတော်မြို့မှ နောင်ကြီးအိုင်လမ်းအတိုင်း မြောက်ဘက်သို့ထွက်လာသော ရဲကားနှစ်စီးမှာ နောင်ကြီးအိုင်လမ်းပေါ် ‌ရဲချင်းကျေးရွာနှင့် မကျီးကန်ကျေးရွာကြားတွင် ARA မှ ဗိုလ်မီးခဲနှင့်အဖွဲ့က မိုင်းဆွဲတိုက်ခိုက်ခဲ့ရာ ရဲကားတစ်စီးကို အမိအရထိခိုက်သွားပြီး ရဲ(၁၀)ဦးထက်မနည်း ဒဏ်ရာအပြင်းအထန်ရရှိသွားကြောင်းဖော်ပြထားသည်။

မိုင်းထိသွားသောကားတစ်စီးမှာ ဒဏ်ရာရသူများကို တင်ဆောင်ပြီး မြို့ထဲပြန်ဝင်လာခဲ့ကြောင်း၊ ကျန်တစ်စီးမှာ မြောက်သို့ ဆက်လက်ထွက်ခွာသွားခဲ့ပြီးနောက် မကျီးကန်ကျေးရွာထဲကို သေနတ်များဆက်တိုက်ပစ်ဖောက်ပြီး‌ ဝင်ရောက်သွားကြောင်း အရာတော်မြို့နယ် သတင်းမှန်ပြန်ကြားရေးအဖွဲ့မှ အသိပေးသည်။

“ဒီကောင်တွေ မကျီးကန်ကိုဆက်သွားပြီး သေနတ်တွေဖောက်သေးတယ်။ ဇောင်းကြွနေတဲ့ရွာတွေ မီးတိုက်ပစ်မယ်ဆိုပြီး ပြောသွားသေးတယ်တဲ့။ထိသွားတဲ့မြေဩဇာတွေနဲ့ မြေဩဇာလောင်းတွေတင်ပြီး တစ်စီးက အရင် အရာတော်ပြန်လှည့်သွားတာ။ အဲ့ဒီကားပေါ်မယ် သုံးကောင်လောက်ပဲ ထိုင်လိုက်သွားနိုင်တယ်။ ကျန်တဲ့ကောင်တွေက ပက်လက်ကြီးတွေ ပါသွားတာ။ ပွဲချင်းပြီးတဲ့ကောင်တွေ ရှိနိုင်တဲ့အပြင် ဒဏ်ရာရတဲ့ကောင်တွေလည်း တော်တော်နာ‌ပါတယ်”ဟု အရာတော်မြို့နယ် တော်လှန်ရေးအင်အားစု(ARA)မှ ပြန်ကြားရေးတာဝန်ခံက ပြောကြောင်းလည်းအရာတော်မြို့နယ် သတင်းမှန်ပြန်ကြားရေးအဖွဲ့ထုတ်ပြန်ချက်တွင် ပါရှိသည်။

Public Service Announcement

Public Service Announcement

တိုက်ခိုက်မှုဖြစ်စဥ်ကို အရာတော်မြို့နယ် သတင်းမှန်ပြန်ကြားရေးဌာနက သတင်းထုတ်ပြန်ပြီးနောက် စစ်ကောင်စီ၏ကားများ သွားလာနေသည့်လမ်းကြောင်းကို ဒေသခံများက မှတ်ချက်ပြုသတင်းပေးခဲ့ကြသည်။

” PDFက ပြည်သူ၊ ပြည်သူက PDFပဲ။ ဒီထက်ဆိုးစရာမရှိတော့လို့ ဒီတိုက်ပွဲကို အတူတူတိုက်နေတာ။ စစ်ခွေးလမ်းကြောင်း သတင်းတွေကို ပြည်သူတွေက အသိရှိရှိရဲရဲရင့်ရင့် မျှဝေနေတာပါ” ဟု အရာတော်မြို့ခံတစ်ဦးကပြောသည်။

အောက်တိုဘာလ ၁၁ ရက်နေ့ ညနေ၃ နာရီခန့်ကလည်း အရာတော်မြို့နယ် ဝါးတန်း ဆူးလေကုန်းချောင်းအတက် အရှေ့ဘက် ကျွန်းဖိုပင်ရွှာ အနောက်ကြားတွင် မုံရွာမှ အရာတော်သို့ကူးလာသော စစ်ကားနှစ်စီးကို မိုင်း ခုနစ်လုံးဖြင့် အရာတော်ဘုန်းနိုင်အဖွဲ့က မိုင်းခွဲတိုက်ခိုက်ခဲ့ရာ နောက်ကားတွင် ဒဏ်ရာရ ၁၀ ဦး ထက်မနည်းသေဆုံး ၅ ဦးအထက် ရှိခဲ့ကြောင်း၊ ရှေ့ကားမှာ ဒဏ်ရာအနည်းငယ် ရရှိခဲ့သောကြောင့် စက်သေနတ်အပါဝင် လက်နတ်ငယ် များဖြင့် ၁၀မိနစ်ခန့် ပစ်ခတ်ခဲ့ရာတွင် အရာတော်ဘုန်းနိုင်အဖွဲ့မှ အကျအဆုံးမရှိ အောင်မြင်စွာ လှုပ်ရှားနိုင်ခဲ့ကြောင်း အရာတော်ဘုန်းနိုင် PDF အဖွဲ့က အသိပေးထားသည်။

ဆက်စပ်သတင်းများ

သတင်း

RCSSသည် စစ်တပ်အာဏာသိမ်းပြီးနောက် စစ်ကောင်စီကို တစ်ကြိမ်မျှ မတိုက်ခိုက်ခဲ့ဘဲ ၊အာဏာသိမ်းစစ်​ကောင်စီနှင့် အမြဲတွေ့ဆုံဆွေးနွေးနေသည့် အဖွဲ့ဖြစ်သည်။

သတင်း

ဧပြီ ၂၀ရက်တွင် ဆီဆိုင်မြို့နယ် နားခိုက်ကျေးရွာရှိ PNLO ဒုဥက္ကဋ္ဌ(၂)ဖြစ်သူဗိုလ်မှူးချုပ်ခွန်ကျော်ထင်၏ မိသားစုပိုင်နေအိမ်၊ PNLAရဲဘော်အချို့ မိဘပိုင်နေအိမ်နှင့် ပြည်သူအချို့၏ နေအိမ်များကို PNO ပြည်သူ့ စစ်က ဖြိုချဖျက်ဆီးကာ မီးရှို့ဖျက်ဆီးခဲ့ခြင်းဖြစ်သည်ဟု ဖော်ပြသည်။

သတင်း

လွန်ခဲ့သည့်ရက်အနည်းငယ်အတွင်းမှာပင် ဒေသခံပြည်သူ ထောင်နှင့်ချီ၍ တာချ်ခရိုင်၊ မဲဆောက်မြို့နှင့် အခြားဒေသများသို့ ထွက်ပြေးတိမ်းရှောင်ခဲ့ရကြောင်း ဖော်ပြသည်။

သတင်း

AAအနေဖြင့် စစ်ကောင်စီနှင့် အပေါင်းအပါများ၏ ရက္ခိုင်ပြည်သူအပေါ် ကျူးလွန်သည့် စစ်ရာဇဝတ်မှုတွေအားလုံးကို မှတ်တမ်းတင်ထားပြီး ပြစ်မှုကျူးလွန်သူ အားလုံးကို အရေးယူနိုင်ရေး ဆက်လက်ကြိုးစားသွားမည်ဟု အသိပေးထားသည်။