အမေရိကန် နိုင်ငံခြားရေးဝန်ကြီး အန်တိုနီ ဘလင်ကန် နဲ့ မြန်မာနိုင်ငံဆိုင်ရာ အာဆီယံ အထူးကိုယ်စားလှယ် အက်ဝပ်ယူဆွတ်တို့ဟာ ဒီနေ့မှာ တယ်လီဖုန်းကတဆင့် မြန်မာ့အရေးကို ဆွေးနွေးခဲ့ကြတယ်လို့ သိရပါတယ်။
ဆွေးနွေးမှုမှာတော့ မြန်မာနိုင်ငံအတွင်းကအကြမ်းဖက်မှုတွေနဲ့ ပဋိပက္ခတွေအတွက် ၂ ဦးလုံးက စိုးရိမ်နေကြတယ်လို့သတင်းထုတ်ပြန်ထားပါတယ်။
ဒါအပြင် စစ်ကောင်စီဟာအကြမ်းဖက်မှုတွေကို ချက်ချက်ရပ်တန့်ပေးဖို့ ၊ မတရားဖမ်းဆီးထားသူတွေကို လွှတ်ဖို့နဲ့ ဒီမိုကရေစီကိုပြန်လည်ဖော်ဆောင်ဖို့ တွေကို အလေးထားဆွေးနွေးခဲ့တယ်လို့ သိရပါတယ်။
စစ်ကောင်စီအနေနဲ့ အာဆီယံသဘောတူညီချက် ၅ ချက်ကိုတာဝန်ယူမှု တာဝန်ခံမှု ရှိရှိအကောင်အထည်ဖော်ဖို့နဲ့ အာဆီယံအထူးကိုယ်စားလှယ်ရဲ့မြန်မာခရီးစဉ်မှာ အရေးကြီးတဲ့သူတွေနဲ့ တွေ့ခွင့်ရဖို့ကိုလည်း ဆွေးနွေးခဲ့ကြပါတယ်။
Public Service Announcement
လက်ရှိမှာတော့ အာဆီယံသဘောတူညီချက် ၅ ချက်တွေကို အကောင်အထည်ဖော်ဖို့ပျက်ကွက်တာကြောင့် စစ်ကောင်စီခေါင်းဆောင်ကို လာမယ့်ထိပ်သီးအစည်းအဝေးတက်ခွင့် ပြု မပြုကို မနက်ဖြန်မှာ အာဆီယံ နိုင်ငံခြားရေးဝန်ကြီးတွေ တွေ့ဆုံဆွေးနွေးဖို့ရှိနေပါတယ်။
စစ်ကောင်စီဟာ ဒေါ်အောင်ဆန်းစုကြည်နဲ့တွေ့ဆုံခွင့်ပြုဖို့ အာဆီယံ အထူးကိုယ်စားလှယ်ရဲ့တောင်းဆိုချက်ကိုလည်း ငြင်းပယ်ထားပါတယ်။
