တန့်ဆည်မြို့နယ်တွင် စစ်​ကောင်စီယာဥ်တန်းကို ​ဒေသခံကာကွယ်​ရေးအဖွဲ့က နှစ်ကြိမ်မိုင်းဆွဲတိုက်ခိုက်

စစ်ကိုင်းတိုင်း၊ တန့်ဆည်မြို့နယ်တွင် ယမန်နေ့ညက အကြမ်းဖက်စစ်ကောင်စီ၏ စစ်ကားများ ၂ ကြိမ်တိုင် မိုင်းခွဲတိုက်ခိုက်ခံရကြောင်း ဒေသခံများက ပြောသည်။

အောက်တိုဘာလ ၁၉ ရက်နေ့ည ၈နာရီ၁၅မိနစ် အချိန်က ရေဦးမြို့မှ တန့်ဆည်မြို့နယ် ကာပေါင်းကျကျေးရွာသို့ စစ်ကူလာသော ကားကြီး ၂စီး၊ ကားလေး ၃ စီးအား တန့်ဆည်မြို့နယ် တနယ်ကျေးရွာနှင့် တန့်ဆည်မြို့ကြားတွင် တန့်ဆည်မြို့နယ် local PDF ခေါ် ပကဖ မှမိုင်းဆွဲတိုက်ခိုက်ခဲ့ကြောင်း၊ ကားလေး ၂ စီးမှာ မောင်းမရအောင် ပျက်စီးသွား၍ ကျန်၃စီးမှာ တန့်ဆည်မြို့နယ်သို့ ဝင်ရောက်သွားကြောင်း တန့်ဆည်ပြည်သူ့ကာကွယ်ရေးအဖွဲ့က သတင်းထုတ်ပြန်သည်။

ထို့နောက် ည ၁၁ နာရီ ၄၅ မိနစ်ခန့်တွင် ကားကြီး ၁စီးနှင့် ကားလေး၁စီး မှာ တန့်ဆည်မှ ကံထူးမ စခန်းသို့သွားရာ ငနုချောင်းလမ်းခွဲအနီး၌ local PDFက ထပ်မံမိုင်းဆွဲတိုက်ခိုက်ခဲ့ရာ ကားလေးမှာထိခိုက်ပျက်စီးသွားကြောင်း တန့်ဆည် PDFက ပြောသည်။

အသေအပျောက်စာရင်းမှာ စုံစမ်းဆဲဖြစ်သည်ဟု တန့်ဆည် PDFက ပြောသည်။အောက်တိုဘာလ ၁၉ ရက်နေ့မှစ၍ တန့်ဆည် PDFနှင့် ဒေသတွင်း PDFများသည် စစ်​ကောင်စီတပ်သားများအား အဓိက ထား၍ မိုင်းဆွဲတိုက်ခိုက်ခြင်း၊ ခြုံခိုတိုက်ခိုက်ခြင်း၊ ပျောက်ကြားတိုက်ခိုက်ခြင်းတို့ဖြင့် ဆက်လက် တိုက်ခိုက်သွားမည် ဖြစ်သောကြောင့် မိဘပြည်သူများအနေဖြင့် ညနေ ၆ နာရီမှ မနက် ၆ နာရီအတွင်း ဖြတ်သန်းသွားလာခြင်းမပြုပါရန် တန့်ဆည် PDFက မေတ္တာရပ်ခံထားသည်။

Public Service Announcement