Connect with us

Hi, what are you looking for?

LuduNwayOo

News

မုံရွာမြို့တွင်ရဲမှူး၏ကားဖောက်ခွဲခံရပြီး ၊ဆည်မြောင်းရုံးကို ရှော့တိုက်ဒုံးဖြင့်ပစ်

“ရဲမှူးလည်းကားပေါ်ပါတယ်ကြားတယ်။ သေချာစောင့်ပြီးလုပ်တာပါ။”ဟု People’s Defence Force – South Monywaမှ ပြောရေးဆိုခွင့်ရှိသူကပြောသည်။

စစ်ကိုင်းတိုင်း၊ မုံရွာမြို့တွင် ရဲမှူး၏ ဂျစ်ကားအား ဖောက်ခွဲခံရပြီး ဆည်မြောင်းရုံးရှော့တိုက်ဒုံးဖြင့် ပစ်ခတ်တိုက်ခိုက်ခံရကြောင်း ဒေသခံများက ပြောသည်။

ယနေ့ အောက်တိုဘာလ ၂၆ ရက် မွန်းလွဲ ၂း၀၀ နာရီဝန်းကျင်က မုံရွာ သန်းကုဋေအောင်ဆီဆိုင်လမ်းကြားတွင် ဖြတ်သန်းလာသည့် ရဲမှူးတစ်ဦး၏ ဂျစ်ကားအား Monywa Heroes Group, Monywa Nightking, Monywa UG Group တို့နှင့် ပူးပေါင်း၍ ဖေါက်ခွဲပစ်ခဲ့ကြောင်း
People’s Defence Force – South Monywaက အသိပေးသည်။

“ရဲမှူးလည်းကားပေါ်ပါတယ်ကြားတယ်။ သေချာစောင့်ပြီးလုပ်တာပါ။”ဟု People’s Defence Force – South Monywaမှ ပြောရေးဆိုခွင့်ရှိသူကပြောသည်။

“ပေါက်ကွဲမှုဖြစ်တဲ့နေရာနား စစ်ကားငါးစီးရောက်လာပြီး စစ်ဆေးတာတွေလုပ်တယ်။ မြို့ပေါ်က လူငယ်တစ်ယောက်လည်း အဖမ်းခံရတယ်လို့ကြားတယ်။”ဟု ဒေသခံတစ်ဦးကပြောသည်။

Public Service Announcement

Public Service Announcement

ဂျစ်ကားပေါက်ကွဲမှုဖြစ်ပွားပြီးနောက် လမ်းသွားလမ်းလာများအား စစ်ဆေးနေကြောင်း မြို့ခံများကပြောသည်။

တဆက်တည်း ဆည်မြောင်းရုံးကိုလည်း ရှော့တိုက်ဒုံးဖြင့် ပစ်ခတ်တိုက်ခိုက်ရာ ရဲတစ်ယောက် လက်မောင်းစုတ်ပြတ်သွားခဲ့ပြီး သေနတ် (၈) ချက်လည်း ပစ်ဖေါက်ခဲ့ကြောင်း
People’s Defence Force – South Monywaက အသိပေးသည်။

ထိခိုက်သေဆုံးမှုနှင့် ဒါဏ်ရာရရှိမှု အသေးစိတ်မသိရသေးဘဲ ပြည်သူ့ကာကွယ်ရေးအဖွဲ့များဘက်ကမူ ထိခိုက်မှု လုံးဝ မရှိကြောင်း People’s Defence Force – South Monywaက အသိပေးသည်။

KTV မှပြန်လာသော ဒုရဲအုပ်နှင့်ရဲတပ်သားတစ်ဦးတို့မုံရွာမြို့တွင် ယနေ့နံနက် ၄ နာရီခန့်က စက်မှုဇုန်ရပ်ကွက် စွယ်တော်လမ်းတွင် ဒုရဲအုပ်တစ်ဦးနှင့်ရဲတပ်သားတစ်ဦး ပစ်သတ်ခံခဲ့ရသေးသည်။

ဆက်စပ်သတင်းများ

သတင်း

ဇန်နဝါရီ ၂၁ ရက် နံနက် ၈ နာရီ မိနစ် ၄၀ခန့်က မုံရွာမြို့စက်မှု (၁)၊ အေးရိပ်သာလမ်းရှိ လက်ဖက်ရည်ဆိုင်တစ်ဆိုင်၌ အရပ်ဝတ်ဖြင့် ထိုင်နေသည့် အမှတ်(၂)ရဲစခန်းမှ ဒုရဲအုပ်ကျော်ဇင်ဦးဆိုသူ ပစ်ခတ်ခံရပြီး နေရာတွင် သေဆုံးခဲ့သည်။

သတင်း

Depeyin Local Mobile Team အဖွဲ့သည် ဒီပဲယင်းနှင့် ဘုတလင်နယ်များရှိ စစ်ကောင်စီစစ်ဆေးရေးဂိတ်များအား ၅ ကြိမ်ဝင်ရောက်တိုက်ခိုက်ခဲ့ရာ စစ်အုပ်စုထိခိုက်သေဆုံးမှုများရှိပြီး လက်နက် ၇ လက်နှင့် ခဲယမ်းများသိမ်းဆည်းနိုင်ခဲ့ကြောင်း အဖွဲ့ဝင်ရဲဘော်များက ပြောသည်။

သတင်း

တိုက်ခိုက်ခံရချိန် စစ်ကောင်စီက အနီးရှိ စွမ်းရည်ထက်ဆီဆိုင်ဂိတ်မှ လက်နက်ကြီးများပစ်ကူခဲ့သော်လည်း ထိခိုက်မှုမရှိကြောင်း သိရသည်။

သတင်း

တိုက်ခိုက်မှုဖြစ်ပွားပြီနောက် စစ်ကောင်စီတပ်က အနီးဝန်းကျင်ရပ်ကွက်ရှိ ပြည်သူအချို့အား ဖမ်းဆီးရိုက်နှက်ခြင်းများပြုလုပ်ခဲ့ကြောင်း သိရသည်။