တရားမဝင်ခိုးထုတ်လာသော သစ်တန်ချိန် ၂တန်ကျော်ကို လောင်းရှည်ဒေသပြည်သူ့ကာကွယ်ရေးတပ်ဖွဲ့ (LS-PDF)မှဖမ်းဆီးခဲ့ကြောင်း သတင်းထုတ်ပြန်သည်။
မကွေးတိုင်း ဆောမြို့နယ် လောင်းရှည်ဒေသအတွင်းတွင် တရားမဝင် သစ်ခိုးထုတ်နေမှုများနှင့် တရားမဝင် သစ်ပင်ခုတ်လှဲနေမှုများရှိနေသည်ဟု ကြားသိရသဖြင့် လောင်းရှည်ဒေသပြည်သူ့ကာကွယ်ရေးတပ်ဖွဲ့ (LS-PDF)က သွားရောက်စစ်ဆေးခဲ့ရာ ဖမ်းဆီးနိုင်ခဲ့ခြင်းဖြစ်သည်ဟု ဆိုသည်။
ယနေ့ (အောက်တိုဘာ ၂၆ )ရက် ညပိုင်းကဆိပ်ဖြူလမ်းကြောင်းပေါ်တွင်တရားမဝင်သစ်ခိုးထုတ်နေမှုအား တွေ့ရှိခဲ့ရပြီး ပါဝင်ကျူးလွန်သူသုံးဦးကို ဖမ်းဆီးနိုင်သည်ဟု LS-PDFက အသိပေးသည်။
မကွေးတိုင်းနှင့် စစ်ကိုင်းတိုင်းအတွင်း တရားမဝင်သစ်များ ခုတ်ယူသယ်ဆောင်မှုကို ပြည်သူ့ကာကွယ်ရေးတပ် PDF များက မကြာခဏ ဖမ်းမိမှုများရှိနေသည်။
Public Service Announcement
အောက်တိုဘာ ၂၃ ရက်ကလည်း ပြည်သူ့ကာကွယ်ရေးတပ်ဖွဲ့ (ထီးလင်း)က တရားမဝင်သစ် သုံးတန်ကျော် နှင့် အတူ ကျူးလွန်သူ နှစ်ဦးကို ဖမ်းဆီးနိုင်ခဲ့သည်။
