အကြမ်းဖက်စစ်ကောင်စီယန္တရားလည်ပတ်စေရန် အခွန်နှင့်မီတာခများကောက်ခံနေသောညောင်ဦးနှင့် မုံရွာမြို့များရှိ စည်ပင်နှင့်လျှပ်စစ်ဝန်ထမ်းအိမ်ရာများအား ပြည်သူ့ကာကွယ်ရေးအဖွဲ့များက ဗုံးခွဲသတိပေးခဲ့သည်။
ယနေ့(အောက်တိုဘာလ ၃၁ ရက်နေ့ )နံနက် ၅နာရီ ၁၉ မိနစ်ခန့်က ညောင်ဦးမြို့နယ် လျှပ်စစ်ရုံးအတွင်းရှိ တိုက်တန်းလျားအဆောက်အဦးကို လက်ပစ်ဗုံးခွဲသတိပေးခဲ့ကြောင်း ညောင်ဦးPDFက ထုတ်ပြန်သည်။
ညောင်ဦးမြို့နယ်အတွင်း မီတာခများအတင်းအဓမ္မကောက်ခံနေခြင်းကိုရပ်တန့်ရန်နှင့် ဆက်လက်လုပ် ဆောင်နေပါက အသက်အန္တရာယ်ကိုအာမ မခံနိုင်ကြောင်းညောင်ဦး PDFက Non-CDMဝန်ထမ်းများအား သတိပေးခဲ့သည်။
အဆိုပါဗုံးခွဲတိုက်ခိုက်မှုကြောင့် လူသေဆုံးထိခိုက်မှုမသိရသေးကြောင်း ဒေသခံအချို့က ပြောသည်။
Public Service Announcement
အလားတူ ယမန်နေ့ (အောက်တိုဘာ ၃၀ ရက်)ညနေ ၆ နာရီဝန်းကျင်က စစ်ကိုင်းတိုင်း မုံရွာမြို့ စည်ပင်ဝန်ထမ်းအိမ်ရာကို ဗိုလ်မိုးကြိုးနှင့်အဖွဲ့သားများ-မုံရွာက ဗုံးပစ်တိုက်ခိုက်ခဲ့သည်။
စည်ပင်သာယာမှ Non-CDMဝန်ထမ်းများသည်စစ်ကောင်စီယန္တရားလည်ပတ်စေသော အခွန်များကောက်ခံနေခြင်းကြောင့် စည်ပင်ဝန်ထမ်းအိမ်ယာကို ဗုံးပစ်သတိပေးတိုက်ခိုက်ခဲ့ခြင်းဖြစ် ကြောင်း ဗိုလ်မိုးကြိုးနှင့်အဖွဲ့သားများ-မုံရွာမှ အသိပေးသည်။
