မိုးကုတ်မြို့ ၊ ရွှေကူရပ်ကွက် က အုန်းကိုင်းရွာသစ်မှာ ဒီနေ့မနက်ပိုင်းက လူနေအိမ်ပေါ် ကျောက်ကမ်းပါးယံ ပြိုကျတာကြောင့် အမျိုးသမီး ၁ ဦးဒဏ်ရာရကာ အမျိုးသား ၁ ဦးပျောက်ဆုံးနေလို့ ရှာဖွေကယ်ဆယ်ရေးလုပ်နေရပါတယ်။
မနက် ၇ နာရီလောက်က အုန်းကိုင်းရွာသစ်မှာ ကျောက်ကမ်းပါးယံ နေအိမ်ပေါ် ပြိုကျတာပါ။
“ကျောက်တောင်ပိမိပြီးပျက်စီးသွားတဲ့အိမ်က အမျိုးသားတစ်ဦးတော့ အခုထိရှာဖွေနေတုန်းပါပဲ။ အမျိုးသမီးတစ်ဦးကတော့ အသက်ရှင်သွားတယ်”လို့ ကယ်ဆယ်ရေးလုပ်ဆောင်ပေးနေတဲ့ မီးသတ်တပ်ဖွဲ့ဝင်တစ်ဦးကပြောပါတယ်။
ဒဏ်ရာရရှိသူနဲ့ ပျောက်ဆုံးသူတို့ဟာ မောင်နှတွေဖြစ်ကြတယ်လို့သိရပါတယ်။
Public Service Announcement
သူတို့ဟာ အသက် ၅၈နှစ်နဲ့ ၄၈နှစ်အရွယ်တွေဖြစ်ကြပါတယ်။
“မိုးကုတ်မှာ မိုးမများဘူးရယ်။ နေပူနေတာ။ မိုးမရွာဘဲနဲ့တောင်ပြိုပြီးပိတာ”လို့ မိုးကုတ်ေဒေသခံတစ်ဦးကပြောပါတယ်။
မိုးကုတ်မြို့မှာ မိုးရာသီမိုးများတဲ့လတွေမှာဆိုရင် မကြာခဏဆို လူနေအိမ်တွေပေါ် မြေပြိုတာ၊ တောင်ပြိုတာတွေဖြစ်ပွားပြီး လူသေဆုံးတာတွေရှိပါတယ်။
