ဖယ်ခုံမြို့နယ်အတွင်းသို့ အင်အားအလုံးအရင်းနှင့် ထိုးစစ်ဆင်လာသည့် စစ်ကောင်စီတပ်ကို ဒေသခံ ပြည်သူ့ကာကွယ်ရေးတပ်(PDF)များပူးပေါင်း၍ ခုခံတိုက် ခိုက်နေရာ ယနေ့တွင်လည်း ခေါင်းအိကျေးရွာ အနီးတွင် တိုက်ပွဲဖြစ်ပွားခဲ့သည်။
ခေါင်းအိရွာ အရှေ့တောင်ဘက်တစ်မိုင်ခန့်အကွာတောင် ကြောပေါ်တွင် ယနေ့ ညနေပိုင်းထိတိုက်ပွဲများဆက်လက်ဖြစ်ပွားခဲ့ကြောင်း၊ အပြန်အလှန် ပစ်ခတ်မှုများအကြား ပူးပေါင်းအဖွ့မှ ရဲဘော်တစ်ဦး ထိခိုက်ဒဏ်ရာရရှိခဲ့ကြောင်း၊ စစ်ကောင်စီတပ်ဘက်မှ သေဆုံးမှု စာရင်းကို အတည်ပြုနိုင်ခြင်းမရှိကြောင်း ဖယ်ခုံ PDFက ထုတ်ပြန် သည်။
နိုဝင်ဘာ ၆ရက် နေ့လည်ပိုင်ကလည်း ကရင်နီအမျိုးသားကာကွယ်ရေးတပ်ဖွဲ့(KNDF)နှင့် ဖယ်ခုံ PDF တို့ ပူးပေါင်း၍ ဖယ်ခုံအခြေစိုက် ခမရ(၄၂၁) တပ်ကို ဝင်ရောက်ပစ်ခတ်ခဲ့ရာ စစ်ကောင်စီတပ်မှ ၃ဦးသေဆုံးခဲ့သည်ဟု ဆိုသည်။
စစ်ကောင်စီတပ်အနေဖြင့် ဖယ်ခုံမြို့တွင်းသို့ လက်နက် ကြီးလက်နက်ငယ်များဖြင့်ပစ်ခတ်ခဲ့၍ ပြည်သူအချို့ ဒဏ်ရာရကာ နေအိမ်အချို့ ပျက်စီးခဲ့ကြောင်း၊ စစ်ကောင်စီ၏ ထိုးစစ်နှင့် တိုက်ခိုက်မှုကြောင့် မြို့ပေါ်နေ ပြည်သူများ စစ်ဘေးတိမ်းရှောင်နေကြရကြောင်း ထုတ်ပြန်ချက်၌ ပါရှိသည်။
Public Service Announcement
စစ်ကောင်စီတပ်၏ ထိုးစစ်ကို ဖယ်ခုံ၊မိုးဗြဲ၊ဒီမောဆို၊လွိုင်ကော် PDFများနှင့် ကရင်နီတပ်မတော်(KA)၊KNDF၊ KGz၊ အလယ်ပိုင်းတိုင်းတိုက်ခိုက်ရေးအဖွဲ့တို့ပူးပေါင်း၍ ခုခံတွန်းလှန်လျက်ရှိသည်ဟု ဖယ်ခုံ PDFက ထုတ်ပြန်ခဲ့သည်။
ဖယ်ခုံမြို့နယ်အတွင်း စစ်ကောင်စီတပ်များ ထိုးစစ်ဆင်လာ၍ နိုဝင်ဘာ ၂ရက်မှစ၍ တိုက်ပွဲများ နေ့စဉ်ဖြစ်ပွားခဲ့သည်။
