သံ​တောင်ကြီးမှာ စစ်​ကောင်စီတပ်ဖွဲ့မိုင်းဆွဲတိုက်ခိုက်ခံရ

ကရင်အမျိုးသားအစည်းအရုံး (KNU) ထိန်းချုပ်နယ်မြေဖြစ်တဲ့ တောင်ငူခရိုင် သံတောင်ကြီးမြို့နယ် သံတောင်- ဘောဂလိလမ်းပိုင်းမှာ ကင်းပုန်းဝပ်နေတဲ့ စစ်ကောင်စီတပ်ဖွဲ့ကို မိုင်းဆွဲတိုက်ခိုက်ခံရလို့ ထိခိုက်သေဆုံးတာတွေရှိနေတယ်လို့ သတင်းရရှိပါတယ်။

နိုဝင်ဘာ ၈ ရက်နေ့ ညနေ ၃ နာရီခွဲအချိန်ခန့်က သံတောင်ကြီးမြို့နယ် သံတောင် – ဘောဂလမ်းပိုင်းမှာရှိတဲ့ ရွာနှစ်ရွာကြားမှာ လမ်းကင်းပုန်းယူနေတဲ့ စစ်ကောင်စီတပ်ဖွဲ့တွေကို အမည်မသိလက်နက်ကိုင်အဖွဲ့တစ်ဖွဲ့က လာရောက်ပြီး မိုင်းဆွဲတိုက်ခိုက်သွားခဲ့တာပါ။

ဒီလို မိုင်းဆွဲတိုက်ခိုက်မှုကြောင့် စစ်ကောင်စီဘက်က သုံးဦး သေဆုံးခဲ့ပြီး နှစ်ဦးထိခိုက်ဒဏ်ရာရရှိသွားခဲ့တယ်လို့ မြေပြင်သတင်းပေးပို့ချက်အရ သိရပါတယ်။

ကေအဲန်ယူ တောင်ငူခရိုင် တပ်မဟာ ၂ ထိန်းချုပ်နယ်မြေအတွင်းမှာ KNLA တပ်မဟာ ၂ နဲ့ စစ်ကောင်စီတပ်တို့ကြား အောက်တိုဘာလအတွင်းမှာ တိုက်ပွဲပေါင်း ၅ ကြိမ်ဖြစ်ပွားခဲ့ပြီး စစ်ကောင်စီဘက်က ၃၀ ဦးသေဆုံးခဲ့ပြီး ၉ ဦးထိခိုက်ဒဏ်ရာရရှိသွားခဲ့တယ်လို့ ကေအဲန်ယူရဲ့ထုတ်ပြန်ထားတာဖြစ်ပါတယ်။

Public Service Announcement