ရန်ကုန်-မန္တလေးအမြန်လမ်း ၊မိုင်တိုင် ၁၁၀ အနီးရှိ အာဏာသိမ်းစစ်ကောင်စီ၏ စေတီတစ်ထောင်အမြန်လမ်းရဲကင်း(ဇဟားချောင်းရဲကင်း)အား ဖြူးမြို့နယ် ပြည်သူ့ကာကွယ်ရေးတပ်ဖွဲ့ (Phyu PDF) ကယနေ့(နိုဝင်ဘာလ ၉ ရက်နေ့) နံနက် ၃ နာရီခွဲတွင်တိုက်ခိုက်ရာ အာဏာသိမ်းစစ်ကောင်စီ၏ ရဲတပ်ဖွဲ့ဝင် (၅) ဦးသေဆုံးပြီး ၎င်းတို့၏လက်နက်များရယူနိုင်ခဲ့ကြောင်း ပဲခူးတိုင်းဒေသကြီး ပြည်သူ့ကာကွယ်ရေးတပ်ဖွဲ့(Bago Region PDF)တောင်ပိုင်းတိုင်းစစ်ဌာနချုပ်ကထုတ်ပြန်သည်။
အမြန်လမ်းရဲကင်းစခန်းတိုက်ခိုက်ခံရမှုကို အာဏာသိမ်းစစ်ကောင်စီကလည်းအတည်ပြုထားသည်။ ရဲ လေးဦးမှာနေရာမှာတင်သေဆုံးပြီး၊ကျန်တစ်ဦးမှာဒဏ်ရာရရှိကာ ထိုဒဏ်ရာဖြင့်ပင်သေဆုံးသွားကြာင်သိ့ရသည်။ သေနတ် ၂ လက်ရရှိခဲ့ပြီး ကာကွယ်ရေးတပ်သားတစ်ဦး မစိုးရိမ်ရ ဒဏ်ရာရရှိခဲ့သည်ဟုလည်းကာကွယ်ရေးအဖွဲ့များထံမှသိ့ရသည်။
” ရဲတွေ အများကြီး စစ်သားတွေ အများကြီး ရောက်လာပြီး စစ်နေကြတယ်။ အခု အနီးအနား ရွာတွေကတော့ စိုးရိမ်နေကြတယ်။ လက်နက်တွေ ပါသွားတော့ သူတို့ရွာက ရွာသားတွေကို လာမွှေပြီး ဖမ်းမှာ ကြောက်နေတယ် ” ဟု ဖြူးမြို့နယ်တွင် နေထိုင်သူတစ်ဦးက ပြောသည်။
ပစ်ခတ်မှုဖြစ်ပွားခဲ့သောရဲကင်း ဝန်းကျင် ကျေးရွာများတွင် လက်နက်ကိုင်များ ခိုအောင်းနေနိုင်ကြောင်း ရဲတပ်ဖွဲ့က သတင်းဌာနအချို့ထံပြောကြားထားသည်။
Public Service Announcement
” စစ်ခွေးက ယုတ်မာဖို့ပဲ တတ်တာ။ ပစ်တဲ့သူက ရွာထဲကနေလာပစ်ရလောက်အောင် ဦးနှောက်မမဲ့ဘူး။ အခုတော့ အမြန်လမ်းဘေးက ရွာတွေ စစ်ခွေးရန် ကြောက်နေကြရပြန်ပြီ။ သောက်ဦးနှောက်မရှိစစ်ကြဆေးကြအုံးမယ်ထင်တယ်”ဟု ဖြူးမြို့တွင် နေထိုင်သူတစ်ဦးကပြောသည်။
ပဲခူးတိုင်းဒေသကြီးပြည်သူ့ကာကွယ်ရေးတပ်ဖွဲ့က
“ပဲခူးတိုင်းဒေသကြီးအတွင်းရှိ ပြည်သူ့ကာကွယ်ရေးတပ်ဖွဲ့အသီးသီးသည် အကြမ်းဖက်စစ်ကောင်စီ၏ စစ်ရေး ၊ အုပ်ချုပ်ရေး ၊ စီးပွားရေး ပစ်မှတ်များအား ယခုထက်ပိုမိုအရှိန်မြှင့်ကာ တိုက်ခိုက်သွားမည်ဖြစ်ကြောင်း အသိပေးထုတ်ပြန်လိုက်သည်” ဟုအသိ့ပေးထားသည်။
