ကနီမြို့နယ် ချင်းတွင်းမြစ်ကမ်း​ဘေး​ကျေးရွာများကိုစစ်​ကောင်စီတပ်ကရဟတ်ယာဥ်​ပေါ်မှပစ် ပြည်သူ ၁၆ ဦးဒဏ်ရာရ ၊ ရွာလုံးကျွတ်ထွက်​ပြေး​နေရ

ကနီမြို့နယ်ရှိ ချင်းတွင်းမြစ်ကမ်းဘေးကျေးရွာများကို အကြမ်းဖက်စစ်ကောင်စီက စစ်ရဟတ်ယာဥ်ဖြင့် ယနေ့ညနေ လာရောက်ပစ်ခတ်သောကြောင့် အရပ်သား ၁၆ဦးသေနတ်ကျည်ထိမှန်ထားပြီး ဒေသခံများ ရွာလုံးကျွတ်ထွက်ပြေးတိမ်းရှောင်နေရသည်။

“ချင်းတွင်းမြစ်ပေါ်ကနေ ဝဲပြီး စက်သေနတ်တွေနဲ့ ပျက်သွားတာ။အချက်ပေါင်းမနည်းဘူး။ ရွာသား၁၆ယောက် ထိသွားတယ်။ လွတ်မယ်ထင်ပြီးပြေးတာ။ ကောက်ရိုးပုံနားမှာ ပုန်း နေတဲ့သူတွေလည်းထိကုန်တာ”ဟု ဒေသခံတစ်ဦးကပြောသည်။

“စစ်ဖြစ်တဲ့​​နေရာနဲ့​ဝေးတဲ့​နေရာကို​တော့သွား​နေတာ၊အဲလိုသွား​နေတုန်းအပစ်ခံရတာ” ဟု​ဒေသခံတစ်ဦးက​ပြောသည်။
ပြည်သူများအပစ်ခံရ​သော်လည်း ​ဒေသခံပြည်သူ့ကာကွယ်​ရေးတပ်ဖွဲ့ဝင်များ မှာ ဘေးကင်း​ကြောင်းလည်း ​ဒေသခံအချို့က​ပြောသည်။

အကြမ်းဖက်စစ်ကောင်စီက ချင်းတွင်းမြစ်ကမ်းဘေး ကျေးရွာများကို စစ်ရဟတ်ယာဉ်ပေါ်မှ တောက်လျှောက်ပစ်သွားခြင်းဖြစ်ကြောင်း ဒေသခံများကပြောသည်။

Public Service Announcement

ညနေ သုံးနာရီ ၃၀မိနစ်ခန့်က စတင်ပစ်ခတ်ပြီး လေးနာရီခန့်မှသာ လေယာဉ်သံမကြားရတော့ခြင်းဖြစ်ကြောင်း ဒေသခံများကပြောသည်။ စုစုပေါင်း ၁၆ ယောက်ဒဏ်ရာရပြီး စိုးရိမ်ရသည့်လူနာများလည်းရှိနေသည်ဟု ဆိုသည်။

အကြမ်းဖက်စစ်ကောင်စီသည် ရဟတ်ယာဉ်ဖြင့် ယမန်နေ့က လာရောက်ကာ အင်အားအများအပြားချသွားပြီးနောက် ယနေ့တွင် တိုက်လေယာဉ်ဖြင့် လာရောက်ပစ်ခတ်ခြင်းဟု ဒေသခံများကပြောသည်။