မြန်မာနိုင်ငံမှာ အကြမ်းဖက်မှုတွေ အဆုံးသတ်ဖို့ အာဏာသိမ်းစစ်ကောင်စီကို အင်ဒိုနီးရှားနဲ့ မလေးရှားခေါင်းဆောင်တွေက ဒီနေ့(နိုဝင်ဘာ ၁၀ ရက်)တိုက်တွန်းပြောကြားပါတယ်။
မလေးရှားဝန်ကြီးချုပ် Ismail Sabri Yaakob ဟာ အင်ဒိုနီးရှားကို တရားဝင်အလည်အပတ်ခရီးစဉ်ရောက်ရှိနေပြီး အင်ဒိုနီးရှားသမ္မတ Joko Widodo နဲ့တွေ့ဆုံစဉ်မှာ မြန်မာ့အရေးပေါ်အခြေအနေကို စိုးရိမ်ကြောင်းထုတ်ဖော်ပြောကြားခဲ့ပြီး ပြည်တွင်းပဋိပက္ခကို ဖြေရှင်းဖို့ အာဏာသိမ်းစစ်ကောင်စီကို တိုက်တွန်းခဲ့တာဖြစ်ပါတယ်။
အင်ဒိုနီးရှား-မလေးရှား နှစ်နိုင်ငံခေါင်းဆောင်တွေတွေ့ဆုံစဉ်မှာ မလေးရှားကိုခိုးဝင်နေတဲ့ ရိုဟင်ဂျာဒုက္ခသည်တွေအရေးကိုလည်း ထည့်သွင်းဆွေးနွေးခဲ့ပါတယ်။
ဖေဖော်ဝါရီ ၁ ရက် စစ်တပ်ရဲ့တရားမဝင်အာဏာသိမ်းမှုနဲ့ပတ်သက်လို့ အင်ဒိုနီးရှား-မလေးရှား နှစ်နိုင်ငံစလုံးက ပြင်းထန်စွာရှုတ်ချပြစ်တင်ထားပြီး မလေးရှားနိုင်ငံခြား ရေးဝန်ကြီးက အာဆီယံအနေနဲ့ မြန်မာ့အရေးနဲ့ပတ်သက်လို့ ကြားဝင်မစွက်ဖက်ရေးမူဝါဒကို ပြန်လည်စဉ်းစားဖို့နဲ့ ဥပေက္ခာမပြုရေး မူဝါဒကို ပြောင်းလဲကျင့်သုံးဖို့ ထုတ်ဖော်ပြောကြားထားတာပါ။
Public Service Announcement
