တောင်ဥက္ကလာနှင့် သင်္ဃန်းကျွန်းမြို့နယ်များ၌ ယနေ့ညအစောပိုင်းက စစ်ကောင်စီတပ်ဖွဲ့ဝင်များက အိမ်များအတွင်းဝင်ရောက်၍ပစ်ခတ်ဖမ်းဆီးခဲ့သောကြောင့် လူငယ်တစ်ဦးသေဆုံးကာ ခြောက်ဦးခန့်အဖမ်းခံခဲ့ရကြောင်း သတင်းရရှိသည်။
နိုဝင်ဘာ ၁၆ ရက် ညနေ ၆ နာရီ ခွဲကျော်တွင် တောင်ဥက္ကလာပမြို့နယ် ၉ ရပ်ကွက် ရှိ တိုက်ခန်းတစ်ခန်းကို အာဏာသိမ်းစစ်ကောင်စီများက ဝင်ရောက်စီးနင်းခဲ့ပြီး လူငယ်လေးဦးခန့်ဖမ်းဆီးသွားကြောင်း ယင်းရပ်ကွက်နေသူများကပြောသည်။
“မြင်နေရတယ်။ သေနတ်ဒင်တွေနဲ့ထု၊ အော်ဟစ်နေတာ။ သေနတ်သံတွေကလည်း အကျယ်ကြီး၊ လက်နက်အားကိုးနဲ့ သေချင်းဆိုးတွေ” ဟု ယင်းရပ်ကွက်တွင်နေထိုင်သူတစ်ဦးကပြောသည်။
ထို့အပြင် သင်္ဃန်းကျွန်းမြို့နယ် ကြီးပွားရေးရပ်ကွက်ရှိ အိမ်တစ်အိမ်ကိုလည်း ယနေ့ည ကိုးနာရီခွဲ အချိန်ခန့်က စစ်ကောင်စီတပ်ဖွဲ့ဝင်များက သေနတ်ပစ်ဖောက်၍ ဝင်ရောက်ခဲ့ရာ လူငယ်တစ်ဦးသေဆုံးပြီး နှစ်ဦးခန့် ဖမ်းဆီးခံခဲ့ရကြောင်း ယင်းနေရာတွင်နေထိုင်သူများကပြောသည်။