သာကေတမြို့နယ်တွင် ယနေ့(နိုဝင်ဘာ ၁၇)ညပိုင်းက နေရာနှစ်ခု၌ ပေါက်ကွဲမှုများ ဖြစ်ပွားခဲ့ကြောင်း သတင်း ရရှိသည်။
အဆိုပါပေါက်ကွဲမှုများအနက် ညနေ ၆ နာရီခွဲက မြင်တော်သာလမ်းနှင့် ရှုခင်းသာလမ်းရှိ အ.လ.က(၄) ကျောင်းဝန်းအတွင်း ပေါက်ကွဲမှု နှစ်ကြိမ်ဖြစ်ပွားကာ ည ၈ နာရီကျော်တွင်မှု မြင်တော်သာလမ်းနှင့် သုမနလမ်းရှိ တရားရုံးအနီး ပေါက်ကွဲမှုနှစ်ကြိမ် ဖြစ်ပွားခဲ့ကြောင်း ဒေသခံများက ပြောသည်။
“ပေါက်ကွဲသံ နှစ်ခါကြားရတယ်။ အသံတော်တော်ကျယ်တယ်”ဟု ည ၈ နာရီကျော်က ပေါက်ကွဲမှုနှင့် စပ်လျဉ်းပြီး ဒေသခံတစ်ဦးက ပြောသည်။
ပေါက်ကွဲမှုများဖြစ်ပွားပြီးနောက် မြင်တော်သာလမ်းနှင့် သုမနလမ်းဆုံအနီး စစ်ကောင်စီတပ်များရောက်ရှိလာပြီး ဆိုင်ကယ်ဖြင့်သွားလာနေသူများကို ရိုက်နှက်ဖမ်းဆီးမှုများရှိနေသည်ဟု ယင်းနေရာအနီးနေထိုင်သည့်မျက်မြင်တွေ့ရှိသူကို ကိုးကားပြီး ဒေသခံနောက်တစ်ဦးက ပြောသည်။
Public Service Announcement
အလားတူ ထူပါရုံလမ်းများအပါအဝင် သာကေတမြို့နယ် (၇/၈/၉)စသည့်ရပ်ကွက်လမ်းများတွင် နေအိမ်များအား လျှပ်စစ်မီးများပိတ်ခိုင်းကာ လိုက်လံရှာဖွေစစ်ဆေးမှုများ လုပ်ဆောင်လျက်ရှိကြောင်း ဒေသခံများက ပြောသည်။
ပေါက်ကွဲမှုဖြစ်စဉ်များကြောင့် ထိခိုက်သေဆုံးမှုရှိ၊မရှိဆိုသည်ကို People’s Springက ဆက်လက်စုံစမ်းနေဆဲဖြစ်သည်။
