'/%3E%3C/svg%3E){kind=small}
–သက်ဆိုင်သူမတွေ့၍ ဓားစာခံဖမ်းဆီးခံရမှုလည်းရှိ
ပဲခူးတိုင်းအနောက်ပိုင်း သာယာဝတီမြို့နယ်အတွင်းရှိ ပြည်သူ့အာဏာဖီဆန်ရေးလှုပ်ရှားမှု(CDM)ပြုလုပ်သော ကျောင်းဆရာ၊ ဆရာမခုနစ်ဦးကို အကြမ်းဖက်စစ်ကောင်စီက ရှာဖွေဖမ်းဆီးမှုများလုပ်ဆောင်ခဲ့ကြောင််း သာယာဝတီ အခြေခံပညာ ဆရာ၊ဆရာမများသပိတ်ကော်မတီက ထုတ်ပြန်သည်။
ဖမ်းဆီးမှုများကို ဒီဇင်ဘာ ၁ ရက်နှင့် ၂ ရက်တို့တွင် စစ်ကောင်စီအဖွဲ့ကက လုပ်ဆောင်ခဲ့ခြင်းဖြစ်ပြီး အလယ် တန်းပြ သုံးဦး၊ မူအုပ်နှင့် မူလတန်းပြနှစ်ဦးနှင့်အထွေ ထွေလုပ်သားနှစ်ဦးတို့ အသီးသီးဖမ်းဆီးခံခဲ့ရကြောင်း ထုတ်ပြန်ချက်တွင် ဖော်ပြသည်။
“အဲရက်က အဖမ်းခံရတဲ့သူ များတယ်။ တချို့ဆိုရင်တိမ်းရှောင်နေရာက ပြန်ရောက်လာတာမကြာသေးဘူး။ ဘော်ဒါအရင်းတွေကိုတော့ ရှောင်နေကြဖို့ လှမ်းသတိ ပေးရတယ်”ဟု သာယာဝတီမြို့ခံတစ်ဦးက ပြောသည်။
Public Service Announcement
ဖမ်းခံရသူများတွင် ငဖြူကျေးရွာမှ ဦးအောင်ရဲထွဋ် ၊လှည်းလမ်းကူးအုပ်စုမှ ဦးလှမျိုးထွန်းနှင့် ၎င်း၏ဇနီး ဒေါ်သူဇာမြင့်အားဝင်ရောက်ရှာဖွေစဥ်မတွေ့သဖြင့် ၎င်း၏ မိခင်နှင့် တူဖြစ်သူတို့အား ဖမ်းဆီးခဲ့သည်။
ထို့အပြင် ဦးရဲလွင်ဦးနှင့် ကိုးပင်ရွာမှ ဒေါ်ငြိမ်းနွယ်အေးတို့အပြင် ဖခင်အားဓားစာခံဖမ်းဆီးခံရသောကြောင့် ဖခင်နှင့်လူချင်းလဲကာ ကိုယ်တိုင်သွားအဖမ်းခံခဲ့သူ ဦးတေဇာမင်းအောင်စသူတို့လည်း ပါဝင်သည်။
“ဆရာများသည် လုံခြုံရေးအရ ရှောင်တိမ်းနေရသူများဖြစ်ပြီး မိမိတို့နေအိမ်တွင် ပြန်လာနေစဥ်မှာ သတင်းပေးဒလန်၏ တိုင်ကြားမှုကြောင့် အကြောင်းအမျိုးမျိုးဖြင့်စွပ်စွဲကာ မတရားဖမ်းဆီးခံခဲ့ရခြင်းဖြစ်ပါသည်”ဟု သာယာဝတီမြို့နယ် အခြေခံပညာရေးသပိတ်ကော်မတီက ဆိုသည်။
လက်ရှိအခြေအနေတွင် ကော်မတီအနေဖြင့် ဖမ်းဆီးခံဆရာ၊ဆရာမများအား မည်သည့်နေရာတွင်ထိန်းသိမ်းထားရှိသည်ကို မသိရသေးသဖြင့် စိတ်ပူပန်ရသကဲ့သို့ အခြားသော ပညာရေးမောင်နှမများအနေဖြင့် ကာလကြာသည်အထိ ရှောင်တိမ်းနေရလျှင် မိမိတို့ နေအိမ်သို့ ပြန်မလာသင့်ကြောင်း သတိပေးထားသည်။
