အင်း​တော်မြို့တွင် စစ်​ကောင်စီယာဥ်တန်း မိုင်း၆လုံးဆွဲတိုက်ခိုက်ခံရ

အင်းတော်မြို့၌ အကြမ်းဖက်စစ်ကောင်စီယာဥ်တန်းကို ပြည်သူ့ကာကွယ်ရေတပ်ဖွဲ့က ယနေ့နံနက်တွင် မိုင်းခွဲတိုက်ခိုက်ခဲ့သည်။

ကချင်ပြည်နယ် ကန်ပိုက်တည်နယ်စပ်ဂိတ်မှ ထွက်လာသော တရုတ်ကုန်စည်သယ်ကားနှစ်စီးနှင့်ရောနှောလိုက်ပါလာသည့် အကြမ်းဖက်စစ်ကောင်စီယာဥ်တန်းကို ပင်ဝယ်ရွာအလွန် ပင့်တင့်ရွာအနီးတွင်မိုင်း ၆လုံးခွဲကာ တိုက်ခိုက်ခဲ့သည်ဟု Indaw Revolutionက ထုတ်ပြန်ထားသည်။

” ပေါက်ကွဲသံတွေကြားကြားချင်း စိတ်ပူသွားတာ။ ခဏနေမှ သိရတာက ကလေးတွေ(PDF)ဖက်က တိုက်ခိုက်တာမှန်း။ ကားတွေ ထိကုန်တာ လှမ်းမြင်တယ်”ဟု မြို့ခံတစ်ဦးကပြောသည်။

သို့​သော်ဗုံးခွဲတိုက်ခိုက်မှုတွင် စစ်ကောင်စီဘက်က ထိခိုက်မှုအခြေအနေကိုမူ မသိရသေးပေ။ဗုံးခွဲတိုက်ခိုက်ခံရပြီး​နောက် ပင့်တင့်ရွာအနီးစစ်​ကောင်စီတပ်ကပိတ်ဆို့စစ်​ဆေးမှုများပြုလုပ်ခဲ့သည်။မိုင်းမထိ့​သောကားများမှာ အင်း​တော်ကိုဖြတ်သန်းရွာဆက်လက်​မောင်းနှင်သွား​ကြောင်း​ဒေသခံများက​ပြောသည်။

Public Service Announcement

စစ်ကိုင်းတိုင်းဒေသကြီး အင်းတော်မြို့သည် ကချင် ပြည်နယ်နှင့် နယ်စပ်ဒေသဖြစ်သည်။နယ်နမိတ်ချင်းထိစပ်နေသော အင်းတော်၊ထီးချိုင့်၊ ကသာ၊ ကောလင်းမြိုနယ်တို့မှ ပြည်သူ့ကာကွယ်ရေးတပ်များက စစ်ကောင်စီအားပျောက်ကြားနည်းဖြင့် မကြာခဏတိုက်ခိုက်နေကြသည်။