ကရင်အမျိုးသားအစည်းအရုံး(KNU) တပ်မဟာ(၅) နယ်မြေတွင် ဒီဇင်ဘာ ၁ရက်မှ ၃ရက်အတွင်း တိုက်ပွဲ ၁၀ကြိမ်ဖြစ်ပွားခဲ့ရာ စစ်ကောင်စီတပ်မှ ခြောက်ဦးသေဆုံးပြီး ၂ဦး ဒဏ်ရာရခဲ့သည်ဟု တပ်မဟာ(၅)က သတင်းထုတ်ပြန်သည်။
KNU တပ်မဟာ(၅)နယ်မြေတွင် နေ့တိုင်းလိုလို တိုက်ပွဲဆက်ဖြစ်နေပြီး ဒီဇင်ဘာ ၁ရက်တွင် တိုက်ပွဲ လေးကြိမ်ဖြစ်ပွားရာ စစ်ကောင်စီဘက်မှ လေးဦးသေဆုံး ပြီး နှစ်ဦး ဒဏ်ရာရရှိခဲ့သည်ဟုဆိုသည်။ ဒီဇင်ဘာ ၂ရက်တွင်တိုက်ပွဲ နှစ်ကြိမ် ဖြစ်ပြီး စစ်ကောင်စီတပ်မှ တစ်ဦးသေဆုံးကြောင်း၊ ဒီဇင်ဘာ ၃ရက်တွင် တိုက်ပွဲ လေးကြိမ်ဖြစ်၍ စစ်ကောင်စီဘက်မှ တစ်ဦးသေဆုံးကြောင်း KNU တပ်မဟာ(၅)က ထုတ်ပြန်သည်။
ယခုကဲ့သို့ အာဏာရူး စစ်ကောင်စီမှ ငြိမ်းချမ်းရေးနှင့် ဖက်ဒရယ် ဒီမိုကရေစီ အုပ်ချုပ်ရေး စနစ်အား မလိုလားကြောင်း နှင့် တဖက်သတ်ကြီးစိုးချယ်လှယ်အုပ်ချုပ်မှုကြောင့် မြန်မာနိုင်ငံအနှံ့နှင့် တိုင်းရင်းသား ဒေသအသီးသီး၌ နေ့တိုင်းလိုလို တိုက်ပွဲဖြစ်နေသည်ဟု တပ်မဟာ(၅)၏ ထုတ်ပြန်ချက်၌ ဖော်ပြထားသည်။
ပြီးခဲ့သည့် နိုဝင်ဘာက KNU အုပ်ချုပ်ရေးနယ်မြေများ၌ တိုက်ပွဲ ၂၀၆ကြိမ်ဖြစ်ခဲ့ရာ KNU တပ်မဟာ(၅) နယ်မြေတွင် တိုက်ပွဲ ၁၅၁ကြိမ်ဖြစ်ခဲ့ပြီး တပ်ရင်းမှူးအပါအဝင် စစ်ကောင်စီတပ်ဖွဲ့ဝင် ၁၀၀ ကျော် သေဆုံးခဲ့သည်။
Public Service Announcement
