'/%3E%3C/svg%3E){kind=small}
မြန်မာစစ်ကောင်စီအနေနဲ့ အာဆီယံ အစည်းအဝေးကို တက်ရောက်ခွင့်ရှိတယ်လို့ ကမ္ဘောဒီးယား ဝန်ကြီးချုပ် ဟွန်ဆန်က ဒီနေ့ မှာ ပြောလိုက်တယ်လို့ ရိုက်တာသတင်းဌာနက ဖော်ပြထားပါတယ်။
ဟွန်ဆန်ဟာ အာဏာသိမ်းစစ်ကောင်စီနဲ့ ဆွေးနွေးဖို့ မကြာခင် မြန်မာနိုင်ငံကိုသွားရောက်ဖို့ရှိနေပြီး စစ်ကောင်စီရဲ့ အရာရှိတွေ ကို အာဆီယံ အစည်းအဝေး ဖိတ်ကြားသင့်တယ်လို့ ပြောပါတယ်။
ကမ္ဘောဒီယားဟာ လာမယ့်နှစ်မှာ အလှည့်ကျ အာဆီယံ ဥက္ကဋ္ဌ ဖြစ်လာတော့မှာဖြစ်ပြီး စစ်ကောင်စီရဲ့ နိုင်ငံခြားရေးဝန်ကြီးကိုလည်း မနက်ဖြန်မှာ ကမ္ဘောဒီးယားကိုလာရောက်ဖို့ ဖိတ်ခေါ်ထားတာရှိပါတယ်။
အဲဒီနောက်ဒီနေ့ မှာတော့ကမ္ဘောဒီယားက တရုတ်ထောက်ပံ့တဲ့ဆောက်လုပ်ရေးစီမံကိန်းဖွင့်ပွဲမှာ ဟွန်ဆန်က မြန်မာကိုသွားရောက်ဖို့ရှိတာနဲ့ မြန်မာစစ်အုပ်စု အာဆီယံအစည်းအဝေးတက်ခွင့်ရှိတယ်ဆိုတာတွေကိုပြောလာတာပါ။
Public Service Announcement
“အာဆီယံအသိုင်းအဝိုင်းရဲ့ မိသားစုဝင် နိုင်ငံတစ်နိုင်ငံအနေနဲ့ သူတို့( စစ်အုပ်စု) မှာ အစည်းအဝေးတက်ရောက်ခွင့်ရှိပါတယ်” လို့ ဟွန်ဆန်ကပြောပါတယ်။
မနက်ဖြန်မှာ စစ်ကောင်စီ နိုင်ငံခြားရေးဝန်ကြီး ကမ္ဘောဒီးယားကိုလာရောက်ပြီးရင် သူ့အနေနဲ့လည်းမြန်မာကို သွားရောက်ဖို့ရှိတယ်လို့ ဟွန်ဆန်က ဆိုပါတယ်။
ဟွန်ဆန်ဟာ အာဆီယံ ပဋိညာဉ်မှာ တစ်နိုင်ငံရဲ့ပြည်တွင်းရေးကို တစ်နိုင်ငံက ဝင်ရောက်စွတ်ဖက်ခွင့်မရှိဆိုတဲ့အချက်ကိုလည်းထည့်သွင်းပြောသွားပါသေးတယ်။
