ရှေးဟောင်းနယ်မြေဖြစ်တဲ့ ညောင်ဦးမြို့မှာလည်း ဒီကနေ တိတ်ဆိတ်ခြင်းသပိတ်ကို ပြုလုပ်နေပါတယ်။
အာဏာလုစစ်ကောင်စီကိုလက်မခံကြောင်း၊ဆန့်ကျင်ကြောင်းပြသတဲ့အနေနဲ့ ဒီနေ့မှာ နိုင်ငံတစ်ဝန်းမှာ မနက် ၁၀ နာရီက ညနေ ၄ နာရီအတွင်း အပြင်မထွက်ကြဘဲ တိတ်ဆိတ်၊ငြိမ်သက်ခြင်းသပိတ်ကိုပြုလုပ်နေကြတာဖြစ်ပါတယ်။ စစ်ကောင်စီက အာဏာသိမ်းထားတာ ၁၀လရှိပေမယ့် ပြည်သူတွေက နည်းမျိုးစုံနဲ့ ဆက်တိုက်ဆန့်ကျင်ဆန္ဒထုတ်ဖော်နေကြတာပါ။
တိတ်ဆိတ်ခြင်းကအကျယ်လောင်ဆုံးဟစ်ကြွေးသံ ၊ငါတို့မြို့ ငါတို့ပိုင်တယ် ငါတို့ငြိမ်ချင်ငြိမ်မယ် ငါတို့လှုပ်ချင်လှုပ်မယ် ဆိုတဲ့ ကြွေးကြော်သံတွေနဲ့အညီပြည်သူတွေက ဆန္ဒထုတ်ဖော်နေကြတာဖြစ်ပါတယ်။
ဒီကနေ့ တိတ်ဆိတ်ငြိမ်သက်ခြင်းသပိတ်ကတော့ အကြမ်းဖက်စစ်ကောင်စီကဖိနှိပ်ခြိမ်းခြောက်မှုကြားမှာလုပ်ရပေမယ့်ယခင်အကြိမ်တွေထက် ပူးပေါင်းဆန္ဒထုတ်ဖော်တာပိုများပြီး နိုင်ငံတစ်ဝန်းပြုလုပ်နေတာဖြစ်တဲ့အတွက် ပြည်သူတွေရဲ့အကြီးမားဆုံးဆန္ဒထုတ်ဖော်မှု တစ်ခုဖြစ်လာပါတယ်။