မြိုင်မြို့နယ် အတွင်းရှိအာဏာသိမ်းစစ်ကောင်စီတပ် သား ၄၀ခန့်နှင့်၎င်းတို့၏မိသားစုဝင်များနေထိုင်နေသော စက်မှု(၂)သို့ ရေပို့နေသည့် ရေစက်များကို မီးရှို့ဖျက်ဆီးပစ်ခဲ့ကြောင်း ပြည်သူ့တော်လှန်ရေး တပ်မတော်(PRA) တပ်ခွဲ (၁၆) ကယနေ့အသိပေးသည်။ လက်တလောရရှိထားသော သတင်းများအရ ရေပြတ်လပ်နေ၍ စစ်ကောင်စီတပ်ဖွဲ့ဝင်များ ဒုက္ခရောက်နေသည်ဟုလည်း ဖော်ပြထားသည်။
ထိုအပြင် ဒီဇင်ဘာလ ၁၀ ရက်ကလည်း မကွေးတိုင်း၊ မြို့သစ်မြို့နယ် စည်ပင်ရုံးကို ဗုံးဖြင့် နှစ်ကြိမ် ဖောက်ခွဲ တိုက်ခိုက်ခဲ့သည်။အဆိုပါတိုက်ခိုက်မှုကိုတော်လှန်ရေးရည်ရွယ်ချက်ခြင်း ထပ်တူကျသော MDA – နဂါးတပ်ဖွဲ့နှင့် ပူးပေါင်းဆောင်ရွက်ခြင်းဖြစ်ကြောင်း ဗိဿနိုးနယ်မြေ ပြည်သူ့ကာကွယ်ရေးတပ်မတော်က ထုတ်ပြန်သည်။
ဗိဿနိုးနယ်မြေ ပြည်သူ့ကာကွယ်ရေးတပ်မတော်အနေဖြင့် MDA -နဂါးတပ်ဖွဲ့ (မကွေး) နှင့် ပူးပေါင်းကာ စစ်အာဏာရှင်စနစ် အမြစ်ပြုတ်သည်အထိ တိုက်ခိုက်သွားမည်ဖြစ်ပြီး ပြည်သူလူထု အနေဖြင့် ပူးပေါင်းပါဝင်ကြပါရန် မေတ္တာရပ်ခံထားသည်။
