လှိုင်မြို့နယ်နှင့် ကမာရွတ်မြို့နယ်ကြား ရွာမကျောင်းလမ်းကွေ့အနီးရှိ စစ်ကောင်စီထောက်တိုင်တစ်ခုဖြစ်သော မြတ်မေတ္တာမွန်ဆီဆိုင်အား မီးရှို့ဖျက်ဆီးခဲ့ကြောင်း Special Task Agency of Burma (STA)က ယနေ့ ထုတ်ပြန်သည်။
ယနေ့(ဒီဇင်ဘာ ၁၂ ရက်) နံနက် ၄နာရီခန့်က မြတ်မေတ္တာမွန်ဆီဆိုင်ရှိ ဝန်ထမ်းများကို ဘေးလွတ်ရာသို့ပြောင်းရွှေ့စေပြီးနောက် ဆိုင်ကို မီးရှို့ဖျက်ဆီးပြီး ဆီပန့်များကို သေနတ် ခုနှစ်ချက်ပစ်ဖောက်ကာ ပြန်လည်ဆုတ်ခွာခဲ့ကြောင်း STA က ဆိုသည်။
စစ်ကောင်စီထောက်တိုင်အား ဖျက်ဆီးမှုတွင် ရဲဘော်များအထိအခိုက်မရှိ ပြန်လည်ဆုတ်ခွာနိုင်ခဲ့ပြီး ဆိုင်ရှိ ဝန်ထမ်းများလည်း ထိခိုက်မှုမရှိခဲ့ကြောင်းSTA က အသိပေးသည်။
ထို့အပြင် STA သည် စစ်ကောင်စီထောက်တိုင်များကို ဆက်လက်ဖြိုခွင်မည်ဟုလည်း ထုတ်ပြန်ချက်တွင် ဖော်ပြသည်။
Public Service Announcement
မြတ်မေတ္တာမွန် ဆီဆိုင်ပိုင်ရှင် ဒေါက်တာဝင်းမြင့်သည် မြန်မာနိုင်ငံစက်သုံးဆီတင်သွင်းရောင်းချဖြန့်ဖြူးရေးအသင်း ဥက္ကဌဖြစ်ပြီး အကြမ်းဖက်စစ်ကောင်စီအတွက် လိုအပ်သောဆီများ ဖြည့်တင်းပေးနေသူလည်း ဖြစ်သည်။1m
