အမေရိကန်နိုင်ငံခြားရေးဝန်ကြီး ဘလင်ကန်၏ အာဆီယံ ၃နိုင်ငံခရီးစဉ်ကို ယနေ့ စတင်လိုက်ပြီး ခရီးစဉ်အတွင်းမြန်မာ့အရေးကို ထည့်သွင်းပြောကြားမည်ဖြစ်ကြောင်း နိုင်ငံခြားရေးဝန်ကြီးဌာနက ပြောသည်။
တရုတ်၏ ဒေသတွင်း ဩဇာချဲ့ထွင်မှုကိုတန်ပြန်ရန် ဝါရှင်တန်၏ ကြိုးပမ်းမှုအဖြစ် နိုင်ငံခြားရေး ဝန်ကြီးဘလင်ကန်က အင်ဒိုနီးရှား၊ မလေးရှားနှင့် ထိုင်းနိုင်ငံတို့ကို ဒီဇင်ဘာ ၁၆ရက်အထိ သွားရောက်လည်ပတ်မည်ဖြစ်သည်။
အဆိုပါ အာဆီယံ ၃နိုင်ငံစလုံးတွင်မြန်မာနိုင်ငံ၏ ပဋိပက္ခကို ရှင်းလင်းပြောကြားမည်ဖြစ်ပြီး မြန်မာ့အရေးသည် ၎င်း၏ခရီးစဉ်အတွင်း အရေးကြီးသည့်အကြောင်း အရာအဖြစ် ပါဝင်သည်။
အမေရိကန်သည် မြန်မာနိုင်ငံကို ဒီမိုကရေစီစနစ်ဆီပြန်သွားရန်တိုက်တွန်းထားပြီး အာဆီယံ၏ မြန်မာ့အရေးဖြေရှင်းမှုကို ထောက်ခံထားသည်။
Public Service Announcement
တစ်ဖက်တွင်လည်း အမေရိကန်သည် အာဏာသိမ်းမှုနှင့်ပတ်သက်၍ မြန်မာစစ်ကောင်စီခေါင်းဆောင် မင်းအောင်လှိုင်အပါအဝင် လူပုဂ္ဂိုလ်နှင့်အဖွဲ့အစည်းများကို ပစ်မှတ်ထားဒဏ်ခတ်အရေးယူခြင်းများ လုပ်ဆောင်ထားသည်။
နိုင်ငံခြားရေးဝန်ကြီးဘလင်ကန်၏ ယခု အာဆီယံခရီးစဉ်သည် ၎င်း၏နိုင်ငံခြားရေးဝန်ကြီး သက်တမ်း ပထမဆုံးခရီးစဉ်လည်း ဖြစ်သည်။
