မင်းကင်းမြို့နယ် တောင်တွင်းဒေသတွင် အကြမ်း ဖက် စစ်ကောင်စီတပ်နှင့် တိုက်ပွဲဖြစ်ရာ စစ်ကောင်စီတပ်သား ငါးဦးထက် မနည်းသေဆုံးနိုင်ကြောင်း မင်းကင်းပြည်သူ့ကာကွယ်ရေးတပ်ဖွဲ့ ခေါင်းဆောင် ဗိုလ်သံလုံးက လူထုနွေဦးသို့ အတည် ပြုသည်။
ယနေ့ (ဒီဇင်ဘာ ၁၆ရက်) နံနက် ၁၀နာရီခန့်တွင်
မင်းကင်းမြို့နယ်ပြည်သူ့ကာကွယ်ရေးတပ် MKPDF နှင့် မင်းကင်းမြို့နယ်တောင်တွင်းဒေသ ပြည်သူ့ကာကွယ်ရေးအဖွဲ့က အကြမ်းဖက်စစ်ကောင်စီတပ်ကို ပူးပေါင်းစစ်ဆင်ရေး ပြုလုပ်ခဲ့ခြင်းဖြစ်သည်။
“သူတို့တက်လာတဲ့လမ်းကြောင့် ပွိုင့်တွေကို ကြိုသတင်းရတယ်။ဒါကြောင့် မနက်အစောကြီးကတည်းက စောင့်ပြီးတိုက်ခဲ့တာ။မိုင်းဆွဖတြာတွေလည်းပါတယ်”ဟု ဗိုလ်သံလုံးက ရှင်းပြသည်။
အကြမ်းဖက်စစ်ကောင်စီတပ်သည် ၎င်းတို့ မိုင်းဆွဲတိုက်ခိုက်ခံရခြင်းအတွက် ခခင်ဦးကျေးရွာမှ နေအိမ် (၇) လုံးအား မီးရှို့ဖျက်ဆီးခြင်းနှင့် စစ်ကြောင်းထိုးထွက်ခွာရာ လမ်းဘေးတောက်လျောက်ရှိ ကျေးရွာ နေအိမ်များကိုလည်း ဖျက်ဆီးသွားခဲ့သည်ဟု MKPDFက ဆိုသည်။
တောင်တွင်းဒေသတွင် ယခုအချိန်၌ အင်တာနက်လိုင်းများအလုံးစုံ ဖြတ်တောက်ခံထားရပြီး ဖုန်လိုင်းအချို့သည် ပြတ်တောက်နေကြောင်းလည်း သိရသည်။