နေပြည်တော်ကောင်စီနယ်မြေ ပျဥ်းမနားမြို့ လက်ဖက်တောင်ကျေးရွာအနီး စစ်ကားနှစ်စီးကို မိုင်းခွဲ တိုက်ခိုက်ခဲ့ကြောင်း နေပြည်တော် ပြည်သူ့ကာကွယ်ရေးတပ်ဖွဲ့(NPTPDF)က အတည်ပြု ပြောကြားသည်။
အဆိုပါတိုက်ခိုက်မှုကို ယနေ့(ဒီဇင်ဘာ ၂၀) နံနက် ၁၁ နာရီခွဲတွင် နေပြည်တော်စစ်ဒေသခွဲ PDF တပ်ရင်း(၈၀၂)၊ တပ်ခွဲ(၅)မှ မိုင်းငါးလုံးဖြင့် ဖောက်ခွဲတိုက်ခိုက်ခဲ့ခြင်းဖြစ်သည်။
ယင်းတိုက်ခိုက်မှုကြောင့် အကြမ်းဖက်စစ်ကောင်စီတပ်မှ စစ်ကားတစ်စီး ချောက်ထဲကျကာ စစ်သား ၁၂ ဦးထက်မနည်းသေဆုံးပြီး ငါးဦးဒဏ်ရာပြင်းထန်ကြောင်း NPTPDF မှ တာဝန် ရှိသူတစ်ဦးက လူထုနွေဦးသို့ ပြောသည်။
စစ်ကောင်စီတပ်မှ စစ်ကားနှစ်စီး တိုက်ခိုက်ခံရသည့် လက်ဖက်တောင်ကျေးရွာသည် ပျဥ်းမနားမြို့နယ် ပြည်ထောင်ကိုးကျေးရွာအုပ်စုအတွင်းတည်ရှိပြီး တောတောင်နှင့် လျှိုမြောင်များထူထပ်သည့် ဒေသတစ်ခုသည်။
Public Service Announcement
အဆိုပါ လက်ဖက်တောင်ကျေးရွာအနီးတွင် ပြီးခဲ့သည့်သြဂုတ်အတွင်းကလည်း စစ်ကောင် စီယာဥ်တန်း တိုက်ခိုက်ခံခဲ့ရပြီး စစ်ကောင်စီတပ်မှ ၁၀ ဦးထက်မနည်း သေဆုံးခဲ့သည်။
