'/%3E%3C/svg%3E){kind=small}
စစ်ကိုင်းတိုင်း ရွှေဘိုခရိုင် ရေဦးမြို့နယ်ရှိ ရေမျက်ကျေးရွာအား စစ်ကောင်စီတပ်မှ ရဟတ်ယာဥ်များပါ အသုံးပြုပစ်ခတ်လျှက်ရှိကြောင်း ဒေသခံများက ပြောသည်။
ယနေ့(ဒီဇင်ဘာ ၂၀)နေ့လယ် ၁ နာရီခန့်ကစပြီး စစ်ကောင်စီတပ်မှ ရဟတ်ယာဥ်သုံးစီးအသုံးပြုပစ်ခတ်ခဲ့သည့်အပြင် ရေမျက်ကျေးရွားနေ ဒေသခံပြည်သူများ၏ နေအိမ်နှင့် အသုံးအဆောင်ပစ္စည်းများကိုလည်း မီးရှို့ဖျက်စီးခဲ့ကြောင်း သိရသည်။
“ရေမျက်လိုရွာလေးကို တိုက်ခိုက်ရေး ရဟတ်ယာဉ် နှစ်စီး၊ ထောက်ပို့ယာဉ်သုံးစီးနဲ့ သယ်ပို့ပြီး စစ်ခွေးတစ်ရာကျော်က ရွာပတ်လည်ဝိုင်းပြီး ဗုံးသီး၊ စက်သေနတ်နဲ့ ဝိုင်းပစ်တာ ခေတ်မှီ စစ်ခွေးတပ်ကြီးပေါ့ဗျာ”ဟု ရေဦးပြည်သူ့ကာ ကွယ်ရေးတပ်ဖွဲ့က ဆိုသည်။
လက်ရှိအခြေအနေတွင် ရဟတ်ယာဥ်ဖြင့် ချပေးသည့် စစ်ကောင်စီတပ်သား ၁၀၀ ခန့် ကျေးရွာအတွင်း ဝင်ရောက်စီးနင်းနေပြီး ဒေသခံရွာသား ၄၀ ကျော် ရွာထဲပိတ်မိနေကြာင်း ရေးဦးပကဖမှ တာဝန်ရှိသူတစ်ဦးက အတည်ပြုပြောကြားသည်။
Public Service Announcement
အကြမ်းဖက်စစ်ကောင်စီမှ ရေမြက်ကျေးရွားအား ရဟတ်ယာဥ်သုံးပစ်ခတ်သည့် ရုပ်သံဖိုင်များလည်း လူမှုကွန်ရက်၌ပြန့်နှံ့ခဲ့ရာ ရဟတ်ယာဥ်ပေါ်မှ စစ်သေနတ်ပစ်သံအဆက်မပြတ် ကြားနေရသည်။
စစ်ကောင်စီတပ်၏ အကြမ်းဖက်စီနင်းခြင်းခံရသော ရေမြက်ကျေးရွာအုပ်စုတွင် ကျေးရွာ အုပ်စုတစ်ခုလုံး၌ လူဦးရေ ၂,၆၀၀ ကျော် နေထိုင်လျှက်ရှိသည်။
