'/%3E%3C/svg%3E){kind=small}
စစ်ကိုင်းတိုင်း ယင်းမာပင်မြို့နယ် အတွင်းသို့ စစ်ကောင်စီတပ်က ယနေ့မနက်တွင် ဝင်ရောက်စီးနင်း၍ လူဦးရေထောင်ချီ ထွက်ပြေးတိမ်းရှောင်နေရသည်ဟု တိမ်းရှောင်နေရသူ စည်လှောင်ရွာသား တစ်ဦးက ပြောသည်။
ယနေ့( ဒီဇင်ဘာ ၂၂ရက်) မနက် ၁၀နာရီ ဝန်းကျင်တွင် ခန့်မှန်းအင်အား ၈၀ ကျော်ဖြင့် ရွာအနီး ဝင်ရောက်၍ ပစ်ခတ်မှုများ ပြုလုပ်ခဲ့၍ ရွာသူရွာသားများ ထွက်ပြေးတိမ်းရှောင်ရခြင်းဖြစ်သည်သည်။
“ရွာက သုံးရွာ။ စည်အောင်၊ အောင်ချမ်းအေး၊ အောင်ချမ်းသာ သုံးရွာလုံး ပြေးရတာ။ ရွာထဲမှာ တစ်ယောက်မှ မရှိတော့ဘူး။ လူဦးရေက ထောင်ကျော်မှာပေါ့” ဟု စည်လှောင်ရွာသား တစ်ဦးက ပြောသည်။
ပြည်သူ့ကာကွယ်ရေးအဖွဲ့ များ ရှိကြောင်း သတင်းရ၍ လာရောက်ခြင်းဖြစ်နိုင်ကြောင်း ၎င်းကဆက်ပြောသည်။
Public Service Announcement
ရုတ်တရက်ဝင်ရောက်စီးနင်းခြင်းဖြစ်၍ဒေသခံရွာသူရွာသား
များအနေဖြင့် ကိုယ်လွတ်ရုန်းထွက်ပြေးလာရခြင်းဖြစ်ကြောင်း၊ မည်သည့် ပစ္စည်းမှ ယူဆောင်လာနိုင်ခြင်းမရှိသောကြောင့် အခက်အခဲများ ဖြစ်ပေါ်နေကြောင်း အဆိုပါ ရွာသားက ပြောသည်။
ယင်းမာပင်မြို့နယ်သည် စစ်ကောင်စီတပ်ကို ခုခံတိုက်ခိုက်နေသည့် ဒေသများအနက် တစ်ခုအပါအဝင်ဖြစ်သည်။
