▪️ကားနှစ်စီးနှင့် ဆိုင်ကယ်များကိုပါ မီးပုံရှို့
စစ်ကိုင်းတိုင်း ရေဦးမြို့နယ် ရေမြက်ကျေးရွာရှိနေအိမ်အလုံး ၆၀ခန့်ကို အကြမ်းဖက်စစ်ကောင်စီတပ်က မီးရှို့ဖျက်ဆီးခဲ့ကြောင်း ပြည်သူ့ကာကွယ်ရေးအဖွဲ့(ရေဦးမြို့နယ်)က ယနေ့(ဒီဇင်ဘာ ၂၃)ထုတ်ပြန်သည်။
နေအိမ်များမီးရှို့ဖျက်ဆီးခံခြင်းနှင့်အတူ ဖောကားတစ်စီးနှင့် အိမ်စီးကားတစ်စီးတို့ကို မီးရှို့ခံရသည့်အပြင် ဆိုင်ကယ်များလည်း မီးရှို့ဖျက်ဆီးခံလိုက်ရကြောင်း ထုတ်ပြန်ချက်တွင် ဖော်ပြသည်။
“အခြားသော ကျေးရွာအတွင်းအဖြစ်အပျက်များကို စိစစ်ဆဲဖြစ်ပါတယ်”ဟု ပကဖ(ရေဦး)က ဆိုသည်။
Public Service Announcement
လက်ရှိတွင် ရေဦးမြို့နယ်အတွင်းရှိ လေးရွာ၊ ပလူဇဝ၊ ကွမ်းအုံ၊ ရေမြက်၊ ဝသဲ၊ ခေါင်နွဲ့၊ ပေကြီး၊ တမတော၊ မကျီးနီစသည့် ကျေးရွာအုပ်စုများနေ ဒေသခံပြည်သူများမှာ စစ်ကောင်စီတပ်၏ အကြမ်းဖက်ရန်ပြုမှုကြောင့် ဘေးလွတ်ရာ ရှောင်တိမ်းနေကြရကြောင်း ပကဖ(ရေဦး)က ထုတ်ပြန်ထားသည်။
ထို့အပြင် ကျေးရွာအတွင်း လျှပ်စစ်မီးကြိူးများ ပြတ်ကြနေခြင်းနှင့် မိုင်းအန္တရာယ်ကြောင့် ကျေးရွာအတွင်းသို့ မဝင်ရောက်ကြသေးပါရန်နှင့် အန္တရာယ်ရှိပစ္စည်းများ ရှင်းလင်းပြီးမှသာ ဝင်ရောက်ကြရန် ဒေသခံစစ်ရှောင်ပြည်သူများအား ရေဦး(PDF)က မေတ္တာရပ်ခံထားသည်။
ရှင်းလင်းပြီးစီးသည့်အချိန်ကိုလည်း ထပ်မံအသိပေးကြေညာပေးသွားမည်ဟု ၎င်းတို့က ဆိုသည်။
နေအိမ်များနှင့် အသုံးအဆောင်ပစ္စည်းများ မီးရှို့ဖျက်စီးခံရသည့် ရေမြက်ရွာအား ဒီဇင်ဘာ ၂၀ ရက်ကလည်း စစ်ကောင်စီတပ်များက ရဟတ်ယာဥ်များအသုံးပြု ပစ်ခတ်မှုများ ရှိခဲ့သည်။
