ကရင်ပြည်နယ်လေးကေကော်ဒေသက အရပ်သားပြည်သူတွေ ကို စစ်ကောင်စီက တိုက်ခိုက်တဲ့လုပ်ရပ်ကိုရှုတ်ချတယ်လို့ ရန်ကုန်မြို့က ဥရောပသမဂ္ဂအဖွဲ့ဝင် နိုင်ငံသံရုံးတွေက ထုတ်ပြန်လိုက်ပါတယ်။
ကျေးရွာတွေကိုလက်နက်ကြီးနဲ့ပစ်ခတ်တာအပါအဝင် အရပ်သားပြည်သူတွေအပေါ်တိုက်ခိုက်မှုတွေဟာ နိုင်ငံတကာ လူသားချင်းစာနာထောက်ထားမှု ဆိုင်ရာဥပဒေကိုချိုးဖောက်နေတာကြောင့် ဒီလုပ်ရပ်ကိုရပ်တန့်ရမယ်လို့ ဆိုထားပါတယ်။
စစ်ကောင်စီအနေနဲ့ ကရင်ပြည်နယ်နဲ့ နိုင်ငံတလွှားက အဆင်အခြင်မဲ့ တိုက်ခိုက်မှုတွေကို ချက်ချင်းရပ်တန့်ဖို့ ၊ အရပ်သားပြည်သူတွေကို နိုင်ငံတကာ ဥပဒေတွေနဲ့အညီ ဘေးကင်းလုံခြုံစွာထားဖို့ ကိုလည်း ထုတ်ပြန်ချက်မှာတောင်းဆိုထားပါတယ်။
ဒါအပြင်လူသားချင်းစာနာထောက်ထားမှုတွေကို အဟန့်အတားမရှိဘဲ လက်လှမ်းမီရရှိနိုင်ဖို့နဲ့ ဆေးဘက်ဆိုင်ရာဝန်ထမ်းတွေကိုအပြည့်အဝ ကာကွယ်ပေးဖို့ကိုလည်းတောင်းဆိုထားပါတယ်။
စစ်ကောင်စီဟာ လေးကေကော်ဒေသကို ဝေဟင်က ဗုံးကြဲတာ ၊ လက်နက်ကြီးနဲ့ ပစ်တာတွေကို ပြုလုပ်နေတာဖြစ်ပါတယ်။