ခရမ်းမြို့နယ် ရိုးကြီးကျေးရွာ ပြည်ခိုင်ဖြိုးပါတီ ရပ်ကျေးဥက္ကဋ္ဌနှင့် ၎င်း၏အစ်ကိုဖြစ်သူတို့ သေနတ်ဖြင့် ပစ်သတ်ခံခဲ့ရကြောင်း ဒေသခံများက ပြောသည်။
ယနေ့(ဒီဇင်ဘာ ၂၇)နေ့လယ် ၁၂ နာရီခန့်က ရိုးကြီးကျေးရွာ ကြံ့ခိုင်ရေးပါတီရပ်ကျေးဥက္ကဋ္ဌ ဦးမိုးကျော်နှင့် ၎င်း၏အစ်ကိုဖြစ်သူတို့ နေအိမ်ခြံဝင်းအတွင်းရှိနေစဥ် အမည်မသိလူနှစ်ဦးက ခြံဝင်းအတွင်း ဝင်ရောက်ပစ်ခတ်ခဲ့ခြင်း ဖြစ်သည်။
ယင်းပစ်ခတ်မှုကြောင့် ညီအစ်ကိုနှစ်ယောက်လုံး နေရာတင် ပွဲချင်းပြီးသေဆုံးသွားပြီး နှစ်ယောက်လုံးအား လူနာတင်ယာဥ်ဖြင့် ခရမ်းဆေးရုံသို့ ပို့ဆောင်လိုက်ကြောင်း ဒေသခံများက ပြောသည်။
အထက်ပါဖြစ်စဥ်ဖြစ်ပွားပြီး နာရီပိုင်းအကြာတွင် ရိုးကြီးကျေးရွာသို့ စစ်ကောင်စီတပ်များရောက်ရှိလာပြီး စစ်ဆေးမှုများလုပ်ဆောင်နေကြောင်း သိရသည်။
Public Service Announcement
သေနတ်ဖြင့် ပစ်ခတ်ခံရ၍ သေဆုံးသူ ပြည်ခိုင်ဖြိုးရပ်ကျေးဥက္ကဋ္ဌ ဦးမိုးကျော်ဆိုသူသည် စစ်ကောင်စီ ၏သတင်းပေးဒလန်ဟု နာမည်ထွက်နေသူ တစ်ဦးလည်းဖြစ်သည်။
ဦးမိုးကျော်သည် စစ်ကောင်စီမှခန့်အပ်သည့် ရိုးကြီးကျေးရွာအုပ်စု အုပ်ချုပ်ရေးမှူးတာဝန် ထမ်းဆောင်ခဲ့သူလည်းဖြစ်သည်။
