၂၀၂၁ ခုနှစ် နှစ်ကုန်ပိုင်း ဒီဇင်ဘာလ အတွင်းမှာ စစ်အုပ်စုရဲ့ လူမဆန်စွာ ပစ်ခတ်သတ်ဖြတ်မှုကြောင့် နိုင်ငံတဝှမ်း မှာ ပြည်သူ ၁၂၇ ဦး ကျဆုံးခဲ့ရတယ်လို့ နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP) ကသတင်းထုတ်ပြန်ပါတယ်။
အဲဒီစာရင်းမှာ ညှဉ်းပန်းနှိပ်စက်မှုကြောင့် ကျဆုံးသူဟာ ၆၁ ဦးရှိပြီး အမျိုးသမီး ၅ ဦးနဲ့ ၁၈ နှစ်အောက်ကလေးသူငယ် ၇ ဦးပါဝင်တယ်လို့ သိရပါတယ်။
ဒါအပြင် ဒီဇင်ဘာလထဲမှာ မတရားဖမ်းဆီးခံရသူဟာ ၃၀၉ ဦးရှိပါတယ်။ ဖမ်းခံရသူတွေထဲမှာလည်းအမျိုးသမီး ၆၈ ဦးပါဝင်ကာ ၁၈ နှစ်အောက်ကလေးသူငယ်ဟာ ၁၅ ဦးထိရှိတယ်လို့သိရပါတယ်။
ဓားစာခံအဖြစ် ဖမ်းခံရသူဦးရေကတော့ ၁၈ ဦးထိရှိခဲ့ပါတယ်။
ဒီစာရင်းတွေဟာ ပြီးခဲ့တဲ့ ဒီဇင်ဘာလ တစ်လစာပဲ ဖြစ်ပါတယ်။
စစ်တပ်အာဏာသိမ်းချိန်ကနေ ဒီနေ့ထိ တော့ စစ်ကောင်စီလက်ချက်ကြောင့် ကျဆုံးခဲ့ရသူပြည်သူဟာ ၁၄၃၅ ဦးထိရှိခဲ့ပြီး ဖမ်းဆီးခံရသူဟာ ၈၃၈၅ဦးရှိခဲ့တယ်လို့သိရပါတယ်။
ပြီးခဲ့တဲ့ မတ်လအတွင်းက စစ်ကောင်စီလက်ချက်ကြောင့်ကျဆုံးခဲ့ရတဲ့ အသက် ၁၉ နှစ်အရွယ် ဆေးတက္ကသိုလ် ကျောင်းသား ကိုခန့်ငြားဟိန်းရဲ့ ဈာပန