ဒေါပုံမြို့မစခန်း တိုက်ခိုက်မှုတွင် စစ်ကောင်စီတပ်ဖွဲ့ဝင်တစ်ဦးသေဆုံးပြီးတစ်ဦးဒဏ်ရာရရှိခဲ့ကြောင်း ဗမာ့နောက်ဆုံးတော်လှန်ရေးလက်နက်ကိုင်တပ်ဖွဲ့ (B.A.R.A.F)မှတာဝန်ရှိသူတစ်ဦးက ပြောသည်။
“တစ်ကောင်သေ ၊ တစ်ကောင်ထိ ” ဟု ၎င်းကပြောသည်။
အဆိုပါရဲစခန်းကို B.A.R.A.F အဖွဲ့က ယနေ့ဇန်နဝါရီ ၅ ရက် ည ၇ နာရီ ၇ မိနစ်၌ ရဲစခန်းအတွင်းသို့ လက်ပစ်ဗုံးပစ်၍ ဖောက်ခွဲမှုပြုလုပ်ခဲ့ခြင်းဖြစ်သည်။
စစ်ဆင်ရေးတွင်ပါဝင်ခဲ့သူများအားလုံး ထိခိုက်မှုမရှိဘဲ ပြန်လည်ဆုတ်ခွာလာနိုင်ခဲ့ကြောင်း အထက်ပါတာဝန်ရှိသူကပြောသည်။