'/%3E%3C/svg%3E){kind=small}
စစ်ကိုင်းတိုင်း ယင်းမာပင်ခရိုင် တရားရုံးကို မိုင်းဖြင့် ဖောက်ခွဲဖျက်ဆီးချိန်တွင် အကြမ်းဖက်စစ်ကောင်စီတပ်များရောက်ရှိလာ၍ အပြန်အလှန်ပစ်ခတ်ရာ စစ်ကောင်စီတပ်ဖွဲ့မှ နှစ်ဦးသေဆုံးကြောင်း မြောက်ယမားပြည်သူ့ကာကွယ်ရေးတပ်ဖွဲ့က ယနေ့ (ဇန်နဝါရီ ၆)တွင် ထုတ်ပြန်သည်။
ပျောက်ကြား စစ်ရေးလှုပ်ရှားမှုဖြင့် ဇန်နဝါရီ ၅ ရက် ညနေ ၃ နာရီခန့်က ယင်းမာပင် ခရိုင်တရားရုံးအား မြောက်ယမားပြည်သူ့ကာကွယ်ရေးတပ်နှင့် ဆားလင်းကြီး တကိုယ်ဝောာ် သုဘရာဇာတို့ပူးပေါင်း၍ မိုင်းလေးလုံးထောင် ဖောက်ခွဲမှု ပြုလုပ်ခဲ့ခြင်းဖြစ်သည်။
ထိုအချိန်တွင် စစ်ကောင်စီ တပ်ဖွဲ့ဝင် ၁၀ဦးခန့် ကားဖြင့်ရောက်လာရာ အပြန်အလှန်ပစ်ခတ်၍ စစ်ကောင်စီတပ်သား နှစ်ဦးသေဆုံးကြောင်း မြောက်ယမား ပြည်သူ့ကာကွယ်ရေးတပ်ဖွဲ့က ဆိုသည်။
တိုက်ပွဲအတွင်း ပြည်သူ့ကာကွယ်ရေး ပူးပေါင်းတပ်မှ ထိခိုက်ကျဆုံးသူမရှိဘဲ အောင်မြင်စွာဆုတ်ခွာ နိုင်ခဲ့ကြောင်းလည်း ထုတ်ပြန်ချက်တွင် ဖော်ပြထား သည်။
Public Service Announcement
