နတ်​​ချောင်းရွာသို့ ပြန်လာ​သော ပြည်သူအချို့ကို ကင်းပုန်းဝပ်​​နေသည့် စစ်​ကောင်စီတပ် ပစ်သတ်

က​လေးမြို့နယ် ၊နတ်ချောင်းရွာတွင် အကြမ်းဖက်စစ်ကောင်စီတပ်ဖွဲ့များမရှိတော့ဟုထင်ပြီး နေအိမ်သို့ ပြန်လာသည့် ဒေသခံအချို့ကို ကင်းပုန်းဝပ်နေသည့် အာဏာသိမ်းစစ်ကောင်စီတပ်က သေနတ်ဖြင့် ပစ်ခတ်သဖြင့် ပြည်သူအချို့ ​သေဆုံး၊ဒဏ်ရာရရှိခဲ့​ကြောင်း စစ်ဘေးရှောင်နေရသူများကပြောသည်။

နေအိမ်ပေါင်း၂၀၀၀ ခန့်နှင့် လူဦးရေ တစ်သောင်းကျော်ရှိသော နတ်ချောင်းရွာကို အကြမ်းဖက်စစ်ကောင်စီတပ်က​ဒီဇင်ဘာလတွင် လေယာဥ်​ပေါ်မှ ပစ်ခတ်ခြင်း၊​သေနတ်ဖြင့်ပစ်သတ်ပြီး အိမ်များ မီးရှို့ သဖြင့် ​ဒေသခံပြည်သူ ၂၀ဦးထက်မနည်း​သေဆုံးခဲ့သည်။ ထို့အပြင် ရွာအတွင်း လက်နက်ကြီး၊လက်နက်ငယ်များဖြင့် ပစ်ခတ်​သောကြောင့် ဒေသခံများအားလုံး ဘေးလွတ်ရာတွင် တိမ်းရှောင်နေရသည်။ ယနေ့ (ဇန်နဝါရီ ၆)တွင် စစ်ကောင်စီတပ်များကချင်းပြည်နယ်ဘက်သို့စစ်​ကြောင်းတက်သွားသဖြင့်မရှိတော့ဟု ထင်ပြီးရွာ သို့ ပြန်လာသည့် ဒေသခံ ဆယ်ဦးထက်မနည်းသည် သေနတ်​ဖြင့် ထပ်မံပစ်ခတ်ခံလိုက်ရခြင်းဖြစ်​ကြောင်း စစ်ဘေးရှောင်ပြည်သူတစ်ဦးကပြောသည်။

“ရွာထဲမှာ စစ်တပ် မရှိတော့ဘူးဆိုပြီး ပြန်တာ။ အခု ထပ်အသတ်ခံရပြန်ပြီ။ သေဆုံးသူတွေ ရှိတယ်။ ဘယ်နှစ်ဦးလဲတော့ မသိသေးဘူး”ဟု အထက်ပါအမျိုးသားကပြောသည်။

အကြမ်းဖက်စစ်ကောင်စီတပ်သည် နတ်ချောင်းရွာနှင့်ထိစပ်နေသည့် ချင်းပြည်နယ် ၊ဖလမ်းမြို့နယ် ၊
ဝေဘူလမြို့သို့ အင်အားအလုံးအရင်းဖြင့် စစ်ကြောင်းထိုးနေသောကြောင့်PDF (Kalay) ၊ CNDF ၊ Zomi PDF ၊ RKDF နှင့် ပ.က.ဖ (ကလေး) ပူးပေါင်းတပ်ဖွဲ့များက ခုခံတိုက်ခိုက်​နေပြီး လမ်းကြောင်းတ‌လျှောက် တိုက်ပွဲပြင်းထန်နေသည်။

Public Service Announcement