တယ်လီဖုန်းဆင်းကတ်ရောင်းချရာမှာ ဆင်းကတ်တစ်ကတ်ကို ကျပ်နှစ်သောင်းနှုန်း နဲ့စစ်ကောင်စီဟာ အခွန်ကောက်တော့မှာဖြစ်ပါတယ်။
ဆင်းကတ်ဝယ်ယူရာမှာ တစ်ကတ်ကို ကျပ်နှစ်သောင်းအခွန်ကောက်တာကို ဒီလ ဇန်နဝါရီလ ၈ ရက်ကစတင်ပြီး စစ်ကောင်စီက ကောက်ယူတော့မှာပါ။
ဒီလိုကောက်ယူဖို့အတွက် ပြည်ထောင်စုအခွန်အကောက်ဥပဒေကို ပြင်ဆင်လိုက်ပြီး အဲဒီပြင်ဆင်လိုက်တဲ့ဥပဒေဟာ ၂၀၂၂ ခုနှစ် ဇန်နဝါရီ ၈ ရက်ကနေ ၂၀၂၂ ခုနှစ်မတ်လ ၃၀ ရက်အထိ အကျိုးသက်ရောက်မယ်လို့စစ်ကောင်စီက ဆိုထားပါတယ်။
စစ်တပ်ဟာ မတရားအာဏာသိမ်းပြီးနောက် ဆန့်ကျင်မှုတွေကို ဖိနှိပ်ဖို့အတွက် ဆက်သွယ်ရေးဖြတ်တောက်တာတွေကိုလုပ်ခဲ့ပါတယ်။
ဒါအပြင် အင်တာနက်ကိုလည်း ပိတ်ခဲ့တာတွေရှိသလို မိုဘိုင်းဒေတာ သုံးစွဲခတွေကိုလည်း ဆက်သွယ်ရေးကုမ္ပဏီတွေကိုတိုးမြှင့်ကောက်ခံစေခဲ့ပါတယ်။
Public Service Announcement
အခုနောက်ဆုံးမှာတော့ ဆင်းကတ် တွေကို အခွန်ကောက်ကာ ဈေးမြှင့်ရောင်းချဖို့စီစဉ်လာတာပဲဖြစ်ပါတယ်။
