ကန့်ဘလူမြို့နယ်တွင် ပျက်ဆီးသွားသည့် Mytel တာဝါတိုင်လာကြည့်သည့် စစ်ကောင်စီတပ် မိုင်းဆွဲခံရပြီးနောက် အလောင်းလာသယ်သည့်ကားနှင့် စစ်ကူတပ်များကိုပါ ထပ်မံတိုက်ခိုက်ခဲ့ကြောင်း Kanbalu Underground Warriors(KBU-UG)က ထုတ်ပြန် သည်။
တိုက်ခိုက်မှုဖြစ်စဥ်များတွင် ဇန်နဝါရီ ၈ ရက်က ဖျက်ဆီးခဲ့သော ချင်မြစ်ကျင်းရွာနှင့် တင်ကုတ်ကြီးကြားရှိ Mytel တာဝါတိုင်ကို ယမန်နေ့ (ဇန်နဝါရီ ၉)နံနက် ၁၀ နာရီခွဲတွင် စစ်ကောင်စီတပ်များက လာကြည့်စဥ် မိုင်းခွဲတိုက်ခိုက်ခဲ့ကြောင်း ထုတ်ပြန်ချက်တွင် ဖော်ပြ သည်။
ထိုတိုက်ခိုက်မှုကို ရင်ခတ်ကုန်းရွာနှင့် ငါးရာနဲရွာကြားရှိ တံတားအရောက်တွင် မိုင်းဆွဲခဲ့ခြင်းဖြစ်ပြီး တိုက်ခိုက်မှုတွင် စစ်ကောင်စီဘက်မှ အသေအပျောက်များရှိသည်ဟုယူဆရပြီး အခင်းဖြစ်ရာနေရာသို့ ညနေ ၃ နာရီခန့်တွင် နာရေးကားဖြင့် လာရောက်၍ ဇီးကုန်းသုသာန်သို့ သယ်ဆောင်သွား
သယ်ဆောင်သွားခဲ့သည် ထုတ်ပြန်ချက်တွင် ပါရှိသည်။
အဆိုပါမိုင်းဆွဲခံရသည့်နေရာတွင် စစ်တပ်မှ သေနတ်ဖြင့် ရမ်းသမ်းပစ်ခတ်မှုများ ပြုလုပ်ခဲ့ပြီး ဘေးပတ်ဝန်းကျင်ရှိလယ်လုပ်နေကြသော သာမန်တောင်သူများကိုလည်း ဖမ်းဆီးမှုများရှိကြောင်းလည်း ဒေသခံများက ပြောသည်။
Public Service Announcement
ထို့နောက်စစ်ကောင်စီတပ်သည် ဇီးကုန်း-ငါးရာနဲ-တင်ကုတ်ကြီး- ထန်းကုန်းလမ်းအား အသုံးမပြုတော့ဘဲ အခြားလမ်းအသုံးပြုရန် လိုက်စုံစမ်းသည့် ရှေ့ပြေးကားကို ဇီးကုန်းနှင့် ကာဘိုးကြားတွင် ထပ်မံမိုင်းခွဲခဲ့ရာ စစ်ကောင်စီ၏ ကင်းထောက်ကား အထိနာသွားခဲ့ကြောင်း KBU(UG) အဖွဲ့က ဆို သည်။
အဆိုပါ စစ်ကောင်စီ၏ ကင်းထောက်ကား အထိနာချိန် ဆိုင်ကယ်များဖြင့် စစ်ကူရောက် လာသည့် စစ်ကောင်စီတပ်များကို လက်ကျန်မိုင်းဖြင့် ထပ်မံတိုက်ခိုက်ခဲ့ပြီး စစ်ကောင်စီဘက်မှ ၅ ဦးထိခိုက်သွားကြောင်း ထုတ်ပြန်ချက်တွင် ဖော်ပြသည်။
ယမန်နေ့(ဇန်နဝါရီ ၉)ညနေ ၃ နာရီ ၂၀ ခန့်တွင် စစ်ကောင်စီတပ်မှ သေဆုံးနှင့် ဒဏ်ရာရသူများကို လာသယ်သည့်ကားအား ဇီးကုန်းအနောက် ကျောင်းကြီးအထွက် ပြွန်တံတားတွင် အသင့်ချထားသော ပါဆယ်မိုင်းဖြင့် ထပ်မံဖောက်ခွဲတိုက်ခိုက်ခဲ့သည်ဟု KUB(UG)က ထုတ်ပြန်သည်။
အလားတူ ယမန်နေ့နေ့လယ် ၂ နာရီခွဲတွင် ကန့်ဘလူမြို့နယ်၊ ရဲဒွေးကျေးရွာသို့ ပတ်ကင်းလှည့်လာသော စစ်ကောင်စီတပ်အား ထန်းကုန်း နှင့် ဇီးပင်သာကြားတွင် အဝေးထိန်းစနစ်အသုံးပြုတိုက်ခိုက်ခြင်း၊ တူမီးဖြင့်ပစ်ခတ် တိုက်ခိုက်ခြင်းများ လုပ်ဆောင်ခဲ့ကြောင်း KBU(UG)မှ ထုတ်ပြန်ထားသည်။
အကြမ်းဖက်စစ်ကောင်စီကို ခုခံတိုက်ခိုက်မှုများအား သေသေချာချာ အချိန်ယူ လူအပင်ပန်းခံပြီး လုပ်ဆောင်ရသောကြောင့် အခွင့်အရေးကို လက်လွတ်ခံ၍မဖြစ်နိုင်ကြောင်း၊ ဖြစ်စဥ်အတွင်း ဖမ်းဆီးခြင်းခံရသော အပြစ်မဲ့ပြည်သူများကိုလည်း အနူးညွတ် တောင်းပန်ကြောင်း
KBU(UG)က ပြောသည်။
“လွယ်လွယ်ကူကူနဲ့ အောင်မြင်တာတော့ ရှားပါတယ် အဖွဲ့သားတွေ အပြင်းအထန် ကြိုးစားမှုကြောင့် အောင်မြင်တာတွေပါ။”ဟု KBU (UG)အဖွဲ့မှ သတင်းနှင့်ပြန်ကြားရေးတာဝန်ခံက ပြောကြားသည်။
