စစ်ကိုင်းတိုင်း ဝက်လက်မြို့နယ်အတွင်း အကြမ်းဖက်စစ်ကောင်စီ၏ ရိက္ခာယာဥ်တစ်စီးကို မိုင်းဆွဲတိုက်ခိုက်ရာ ပျူစောထီး ခုနှစ်ဦးသေဆုံးကြောင်း ဝက်လက်မြို့နယ်ပြည်သူ့ကာကွယ်ရေးအဖွဲ့က ထုတ်ပြန်သည်။
ယနေ့(ဇန်နဝါရီ ၁၀ ရက်) ညနေ ၅နာရီခွဲခန့်က ဝက်လက်မြို့နယ်အတွင်းသို့ ရိက္ခာပို့ရန်ငွေတွင်းကျေးရွာမှ အကြမ်းဖက်စစ်ကောင်စီ၏ ထောက်တိုင်ဖြစ်သော ပျူစောထီးထောက်ပို့ယာဥ်ဖြစ်သည့် (CANDA – 4G/4858 ) တစ်စီးကို မိုင်းဆွဲတိုက်ခိုက်ခဲ့ခြင်းဖြစ်သည်။
ပျူစောထီးထောက်ပို့ယာဥ်ကို ဝက်လက်မြို့နယ် အနောက်ခြမ်း ရွှေပန်းကုံးကျေးရွာနှင့် သမ္မာရိုးကျေးရွာ အကြားတွင် ဝက်လက်မြို့နယ်ပြည်သူ့ကာကွယ်ရေးအဖွဲ့(တပ်ရင်း -၁)အဖွဲ့က မိုင်းဆွဲခဲ့သည်။
ပြည်သူ့ကာကွယ်ရေးတပ်သားများအထိအခိုက်မရှိ အချိန်မီဆုတ်ခွာနိုင်ခဲ့ကြာင်းလည်း ဝက်လက်မြို့နယ် ပြည်သူ့ကာကွယ်ရေးအဖွဲ့က ဆိုသည်။
Public Service Announcement
ဇန်နဝါရီ ၆ရက်ကလည်း ဝက်လက်မြို့နယ် သမ္မာရိုးတံတားတွင် ခြေလျင်စစ်ကြောင်းထိုးလာသည့် အကြမ်းဖက် စစ်ကောင်စီတပ်ဖွဲ့ကို မိုင်းဆွဲတိုက်ခိုက်ခံရပြီး ခြောက်ဦးသေဆုံးကာ ၁၂ ဦး ထိခိုက်ခဲ့သည်။
ထို့ကြောင့် အကြမ်းဖက်စစ်ကောင်စီတပ်သည် ဇန်နဝါရီ ၉ရက်ကစ၍ ဝက်လက်မြို့နယ်တွင်အင်အား ရာကျော်ဖြင့် စစ်ကြောင်း နှစ်ကြောင်းခွဲ၍ စစ်ထိုးလာခဲ့သည်။
သို့သော် အကြမ်းဖက်စစ်ကောင်စီက ပြည်သူများအား ဓားစားခံအဖြစ် ဖမ်းဆီးခြင်းများရှိသောကြောင့် ၎င်းတို့နှင့်သာလာတိုက်ရန်လည်း ဝက်လက်မြို့မှ ပြည်သူ့ကာကွယ်ရေးတပ်ဖွဲ့ဝင်များက လူထုနွေဦးသို့ ယနေ့ ပြောထားသည်။
