ကချင်ပြည်နယ် ဟိုပင်မြို့နယ်အတွင်းရှိ မူးယစ်ရာဇာ ၁၂ ဦးနှင့် မူးယစ်ဆေးရောင်းဝယ်ခွင့်ပြုနေသည့် စခန်းမှုးအပါအဝင် ရဲများ၊ သတင်းပေးများကို ပြင်းပြင်း ထန်ထန်အရေးယူသွားမည်ဟု အမည်နှင့်ရာထူးအသေးစိတ်ကို ဖော်ပြကာ ဟိုပင်ပြည်သူ့ကာကွယ်ရေးတပ်ဖွဲ့
( KPDF-Hopen)က သတိပေးလိုက်သည်။
ဟိုပင်မြို့နယ်အတွင်း မူးယစ်ဆေးဝါးရောင်းဝယ် ဖောက်ကားနေသော မူးယစ်ရာဇာများဖြစ်သည့် ဦးနိုင်ကြီး၊ ဒေါ်ဆွဲ၊ဆီးဆော့၊ ဒေါ်နှင်းရီ၊မနိုင်း၊မငယ် တို့အပါအဝင် မူယစ်ရာဇာ ၁၂ဦးကို ပြင်းပြင်းထန်ထန်အရေးယူမည်ဟု အမည်နှင့်တစ်ကွယမန်နေ့(ဇန်နဝါရီ ၁၀)က ထုတ်ပြန်ခဲ့ခြင်းဖြစ်သည်။
မူးယစ်ရာဇာများအား မူးယစ်ဆေးဝါး ရောင်းဝယ်ခွင့် ပြုထားသည့်ဟိုပင်စခန်းမှူး ရဲအုပ်တင်လှိုင်၊နယ်ထိန်းမင်းမင်းစိုးဦးစီးသောရဲတပ်ဖွဲ့နှင့် သတင်းပေးများဖြစ်သော ဦးဝင်းဖေ၊တင်ထွန်းမြင့်၊လမင်းမစေတို့ကိုလည်း အရေးယူသွားမည်ဟု သတိပေးထားသည်။
ထိုအပြင်ဒုရဲမှူးဝင်းကျော်ကျော် ဦးစီးသောမူးယစ်တပ်ဖွဲ့ စု(၃)တို့သည်လည်း မူးယစ်ဆေးဝါးနှင့် အဂတိလိုက်စားနေကြောင်း ပြည်သူများထံမှ တိုင်ကြားချက်ရရှိထားပြီး
မူးယစ်ဆေးဝါးရောင်းဝယ်ဖောက်ကားမှုကို ထပ်မံမလုပ်ရန်သတိ့ပေးထားသည်။
Public Service Announcement
” လိုက်နာခြင်းမရှိဘဲ ထပ်မံလုပ်ဆောင်နေပါက လူကြီးမင်းနှင့် လူကြီးမင်းမိသားစု အသက် အိုးအိမ်စည်းစိမ်းများအား အာမ မခံကြောင်းကြိုတင်သတိပေးလိုက်သည်” ဟုလည်းပါရှိသည်။
ပြည်သူ့ကာကွယ်ရေးတပ်ဖွဲ့ များက အမည်နှင့်တကွ ထုတ်ပြန်သတိပေးထားသူများသည် ကချင်ပြည်နယ်တွင်း မူးယစ်ဆေးဝါးလောကတွင် အမှန်တကယ် နာမည်ကြီးများဖြစ်သည်ဟု ဒေသခံများကလည်းပြောသည်။
