Connect with us

Hi, what are you looking for?

LuduNwayOo

News

ဘုတလင်နယ်ရှိ စစ်ကောင်စီ၏ တပ်ခွဲမှူးဦးစီးသည့် ကူတော်ရဲစခန်းကို ပြည်သူ့ကာကွယ်ရေးတပ်များဝင်တိုက်

“အဲဒီစခန်းမှာက အင်အား၃၀လောက်ရှိတယ်။ ဒီမနက် အစောကြီး ဝင်တိုက်တာ။ တပ်ခွဲမှူး ဗိုလ်ကြီး တစ်ဦးနဲ့ နောက်စစ်သား ၁၀ဦးလောက်သေတယ်လို့ သိရတယ်။ အခု ရွာကိုဝင်လာပြီး စာသင်ကျောင်းမှာ တပ်စွဲပြီး ပတ်ရမ်းနေကြတယ်”ဟု ကူတော်ဒေသခံတစ်ဦးက ပြောသည်။

စစ်ကိုင်းတိုင်း ဘုတလင်မြို့နယ်မှ အကြမ်းဖက်စစ် ကောင်စီ၏ တပ်ခွဲမှူးဦးစီးသည့် ကူတော်ရဲစခန်းကို ပြည်သူ့ကာကွယ်ရေးတပ်များဝင်တိုက်ခဲ့ကြောင်း ဒေသခံများက ပြောသည်။

ယမန်​နေ့ည ၁၂ နာရီကစ၍ ဒီပဲယင်းနှင့် ဘုတလင် မြို့နယ်ပြည်သူ့ကာကွယ်ရေးတပ်များပူးပေါင်းတိုက်ခိုက်ခဲ့ခြင်း ဖြစ်သည်။

“အဲဒီစခန်းမှာက အင်အား၃၀လောက်ရှိတယ်။ ဒီမနက် အစောကြီး ဝင်တိုက်တာ။ တပ်ခွဲမှူး ဗိုလ်ကြီး တစ်ဦးနဲ့ နောက်စစ်သား ၁၀ဦးလောက်သေတယ်လို့ သိရတယ်။ အခု ရွာကိုဝင်လာပြီး စာသင်ကျောင်းမှာ တပ်စွဲပြီး ပတ်ရမ်းနေကြတယ်”ဟု ကူတော်ဒေသခံတစ်ဦးက ပြောသည်။

တိုက်ပွဲမှာ ၁၂နာရီမှ၁ နာရီခွဲအထိ ကြာမြင့်ခဲ့ပြီး ပြည်သူ့ကာကွယ်ရေးတပ်ဖွဲ့ များဘက်မှ ရဲဘော်တစ်ဦးကျဆုံးခဲ့ကြောင်းလည်း သိရသည်။

“ပြည်သူ့ရဲဘော်တစ်ဦး ကျဆုံးကြောင်း ကနဦးသိရပေမယ့်သက်ဆိုင်ရာ အဖွဲ့အစည်းများရဲ့ကြေငြာချက်ထုတ်ပြန်မှသာ အတည်ပြုနိုင်ပါလိမ့်မယ်”ဟု ဒီပဲယင်းမြို့နယ်ညီနောင်များက ဆိုသည်။

ကူတော်စခန်းအကုန်နီးပါးပျက်စီးခဲ့ပြီး ၊ ယနေ့နံနက်ပိုင်းတွင်စစ်​ကောင်စီတပ်များထပ်​ရောက်လာကာကူတော်ရွာအတွင်းတပ်စွဲပြီး အိမ်များကို မီးရှို့ ဖျက်ဆီးမှုများပြုလုပ်နေ၍ ဒေသခံများတိမ်းရှောင်နေရကြောင်း ဒေသခံများက ပြောသည်။

“ည ၁၂ နာရီစွန်းစွန်းမှာ ပစ်ခတ်သံတွေ စကြားရတယ်။ လက်နက်ကြီးသံတွေပါကြားရပါတယ်။ အဆက်မပြတ် ပစ်ခက်ပြီး တစ်နာရီကျော်ကျော်လောက်မှာရပ်သွားတယ်။ ရွာပတ်ဝန်းကျင်ကိုလည်း ဒရုန်းနဲ့ လှ့ည်နေတယ်။”ဟု ဒေသခံတစ်ဦးက ပြောသည်။

အဆိုပါဖြစ်စဥ် မှန်ကန်ကြောင်း ဘုတလင် PDFအဖွဲ့က အတည်ပြုခဲ့ပြီး အသေးစိတ်သတင်းထုတ်ပြန်ပေးမည်ဟု လူထုနွေဦးသတင်းဌာနသို့ဖြေကြားသည်။

အိမ်ခြေ ၂၀၀ ခန့်ရှိသော ကူတော်ကျေးရွာမှ ဒေသခံ ထောင်နှင့်ချီ၍ ထွက်ပြေးနေရသည်။

You May Also Like

သတင်း

ဒီလို ကုန်ကျစရိတ်တိုးကောက်ရတာဟာ ဂျပန်ယန်းဈေးနှုန်းအပြောင်းအလဲကြောင့်ဖြစ်တယ်လို့ စစ်ကောင်စီက ဆိုထားပါတယ်။

သတင်း

စစ်ကောင်စီသည် ၎င်းတို့ အာဏာတည်မြဲရေးအတွက် နည်းမျိုးစုံဖြင့် လုပ်ဆောင်မည်ဖြစ်ပြီး ပြည်သူများမည်မျှပင် သေဆုံးစေကာမူ နှိပ်စက် ဖျက်ဆီးမည်ဖြစ်ကြောင်း ရိုက်တာ သတင်းဌာနမှတဆင့် နိုင်ငံတကာသို့ ပြောသည်။

သတင်း

ထိတွေ့ရင်ဆိုင်တိုက်ပွဲများအတွင်း ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၅)ဘက်က စစ်သည်တော် ၉ဦးကျဆုံးခဲ့ပြီး ၂၆ဦး ဒဏ်ရာရခဲ့ကြောင်း အသိပေးထားသည်။

သတင်း

တမူးမြို့နယ်ပြည်သူ့ကာကွယ်ရေးတပ်မတော်မှ တပ်ဖွဲ့ဝင်တစ်ဦးနှင့် မဟာမိတ်တပ်ဖွဲ့တစ်ခုမှ ရဲဘော်နှစ်ဦးသည် ယမန်နေ့(ဒီဇင်ဘာ၁ရက်) ညနေတွင် အထက်ပါအတိုင်း မိုင်းရှင်းလင်းရေးလုပ်ဆောင်စဥ် ပေါက်ကွဲမှုဖြစ်ပြီး ကျဆုံးခဲ့ရ​​​ခြင်းဖြစ်သည်။