တိုက်ပွဲများပြင်းထန်နေ၍ ကလေးမြို့မှာ ချင်းပြည်နယ်သို့ ခရီးမသွားလာကြရန် မေတ္တာရပ်ခံကြောင်း PDF- Zoland က ယနေ့ထုတ်ပြန်သည်။
အကြမ်းဖက်စစ်ကောင်စီသည် ခရီးသွားပြည်သူများကို လူသားဒိုင်းအဖြစ် အသုံးပြု၍ ချင်းတောင်ပေါ် တက်မည်ကို စိုးရိမ်သောကြောင့်ဖြစ်သည်ဟု PDF-Zolandက သတိပေးထားသည်။
“PDFတွေပြောတာကို နားထောင်ပါသင့်တယ်။ ဖြစ်လာမှ ဘယ်ဘုရားမှ မကယ်နိုင်ဖူး” ဟု ဒေသခံတစ်ဦးကပြောသည်။
ယမန်နေ့(ဇန်နဝါရီ ၁၂ရက်)ကတည်းကပင် ကလေးမြိုမှ ချင်းတောင်ကို တက်သည့် လမ်းရှိ ၉ မိုင်တွင် ခရီးသွားကားများနှင့် ဆိုင်ကယ်များကို အကြမ်းဖက်စစ်ကောင်စီ ဂိတ်က သွားလာခွင့်မပြုဘဲ ရပ်တန့်ထားသည်။
စစ်ကားများလည်းတောင်ပေါ်တက်ရန် အဆင့်သင့်ရှိနေသည်ကို တွေ့ရပြီး ရပ်တန့်ထားသည့် ကားများနှင့်ဆိုင်ကယ်များကိုဒိုင်းအဖြစ် အသုံးပြုနိုင်သည်ဟု PDF- Zolandက ထုတ်ပြန်သည်။
ဇန်နဝါရီ ၁၂ ရက်မနက်ပိုင်းမှ စတင်ပြီး အကြမ်းဖက်စစ်ကောင်စစ်တပ်များသည် ကလေးမြို့မှ ချင်းပြည်သို့ စစ်ကားငါးစီးဖြင့် တက်လာရန်အဆင်သင့်ဖြစ်နေသည်ဟု PDF- Zolandကထုတ်ပြန်ထားသည်။
ဇန်နဝါရီ ၆ ရက်ကတည်း ကလေးမြို့နှင့်ချင်းပြည်နယ် အစပ်ကြားတွင် တိုက်ပွဲပြင်းထန်ခဲ့သည်။ကလေး-ဖလမ်းသွားရာလမ်းတွင် အကြမ်းဖက်စစ်ကောင်စီတပ်များကို ဒေသခံကာကွယ်ရေးတပ်များက ဆီးကြိုခုခံတိုက်ခိုက်နေခြင်းဖြစ်သည်။