'/%3E%3C/svg%3E){kind=small}
▪️ကလေးငယ်တစ်ဦးအပါအဝင် စစ်ဘေးရှောင်သုံးဦးသေဆုံး
အကြမ်းဖက်စစ်ကောင်စီတပ်ဖွဲ့၏ အကြမ်းဖက်လုပ်ရပ်အား ရပ်တန့်စေရန်အတွက် နိုင်ငံတကာမှ အမြန်ဆုံးအရေးယူဆောင်ရွက်ပေးရန် ပြည်သူ့ကာကွယ်ရေးတပ် -ဒီးမော့ဆို(DMO-PDF)က တောင်းဆိုချက်ထုတ်ပြန်ခဲ့သည်။
ယနေ့(ဇန်နဝါရီ ၁၇)နံနက်အစောပိုင်းတွင် ဖရူဆိုမြို့နယ် ဟိုယာကျေးရွာအုပ်စု ရီခီးဘူးကျေးရွာတွင် တိုက်ပွဲဖြစ်ပွားမှုမရှိပဲ အကြမ်းဖက်စစ်ကောင်စီတပ်ဖွဲ့က တိုက်လေယာဉ်ဖြင့် ဗုံးကြဲတိုက်ခိုက်ခဲ့ခြင်းအပေါ် ဒီးမော့ဆို PDFက သဘောထား ထုတ်ပြန်ခဲ့သည်။
ရီခီးဘူးကျေးရွာတွင် လာရောက်စစ်ဘေးရှောင် အများအပြားရှိခဲ့ပြီး ဗုံးကြဲပစ်ခတ်မှုကြောင့် စစ်ဘေးရှောင် (၈)နှစ်အရွယ်မိန်းကလေးငယ်တစ်ဦး၊ (၁၈)နှစ်အရွယ်အမျိုးသမီးနှင့် အမျိုးသားအသက် (၇၅)နှစ် စုစုပေါင်းအပြစ်မဲ့ပြည်သူသုံးဦး သေဆုံးခဲ့သည်။
Public Service Announcement
အကြမ်းဖက်စစ်ကောင်စီတပ်သည် အပြစ်မဲ့ပြည်သူ လူထုကို အကြောင်းမဲ့ဖမ်းဆီးသတ်ဖြတ်ခြင်း၊ စစ်ဘေးရှောင်ပြည်သူလူထုအပေါ် ဗုံးကြဲပစ်ခတ်ခြင်း၊ ရပ်ကွက်ကျေးရွာနေပြည်သူလူထုအပေါ် ရည်ရွယ် ချက်ရှိရှိ လက်နက်ကြီး ပစ်ခတ်ခြင်းများ တစ်နေ့တစ်ခြားပြုလုပ်လာနေသည်ကို တွေ့ရှိရကြောင်း ဒီးမော့ဆို PDFက ထုတ်ပြန်သည်။
ထိုသို့ အကြမ်းဖက်စစ်ကောင်စီတပ်ဖွဲ့၏ လုပ်ရပ်အပေါ် အပြင်းအထန်ကန့်ကွက်ရှုတ်ချကြောင်း၊စစ်ကောင် စီတပ်၏ ဗုံးကြဲပစ်ခတ်မှုကြောင့် သေဆုံးသွားခဲ့သော အပြစ်မဲ့ပြည်သူသုံးဦးတို့၏ ကျန်ရစ်သူမိသားစုနှင့် ထပ်တူဝမ်းနည်းကြေကွဲရကြောင်း ဖော်ပြသည်။
စစ်ကောင်စီတပ်၏ လေကြောင်းတိုက်ခိုက်မှုများကြောင့် ကရင်နီ၊ ကရင်၊ စစ်ကိုင်း၊ မကွေးနှင့် ချင်းဒေသများရှိ ဒေသခံပြည်သူအရပ်သားများ အသက်အိုးအိမ်စည်းစိမ် ထိခိုက်ပျက်စီးမှုများ ကြုံတွေ့နေရသည်။
