စစ်ကိုင်းတိုင်း မုံရွာမြို့နယ် လယ်ဇင်ကျေးရွာကို အကြမ်းဖက်စစ်ကောင်စီတပ်သည် ယမန်နေ့ညနေက
ဝင်ရောက်စီးနင်းဖျက်ဆီးမီးရှိူ့ခဲ့ပြီး အမျိုးသားလေးဦးကို သေနတ်ဖြင့်ပစ်သတ်ခဲ့ကြောင်း ဒေသခံများက ပြောသည်။
ယမန်နေ့ (နိုဝင်ဘာလ ၁၇) ညနေ ၅ နာရီခန့်က မုံရွာမြို့နယ် လယ်ဇင်ကျေးရွာနှင့် အနီးအနားပတ်ဝန်းကျင်ရှိ ကျေးရွာများကို စစ်ကောင်စီတပ်မှ ကား၂၂စီး အင်အား ၂၀၀ ကျော်ဖြင့် ဝင်ရောက်စီးနင်းကာ လက်နက်ကြီးများဖြင့် ပစ်ခတ်နေသောကြောင့် ကျေးရွာနေပြည်သူများနေအိမ်ကို စွန့်ခွာထွက်ပြေးခဲ့ရသည်။ထိုအပြင် ဒေသခံလူငယ် ၄ဦးအား ဖမ်းဆီးပြီးဦးခေါင်းကိုသေနတ်ဖြင့် တေ့၍ပစ်သတ်ခဲ့ကာ၊ဒေသခံ ၅ဦးကို အရှင်ဖမ်းဆီးခေါ်ဆောင်သွားကြောင်း မုံရွာ-အမြင့်လမ်းသတင်းမှန်ပြန်ကြားရေးက သတင်းထုတ်ပြန်သည်။
တဲအိမ်နှစ်လုံး မီးရှို့ခံရ၍ နိဗ္ဗာန်ကျောင်း မှဘုန်းကြီး ကျောင်းကားတစ်စီးကိုလည်း ယူဆောင်သွားကြောင်း၊ ဖမ်းဆီးခံရသူ၅ ဦးကို မုံရွာ နမခတပ်အတွင်းသို့ ခေါ်ဆောင်သွားကြောင်း မုံရွာ-အမြင့်လမ်းသတင်းမှန်ပြန်ကြားရေး၏ ထုတ်ပြန်ချက်တွင် ဖော်ပြထားသည်။
မီးရှို့ဖျက်ဆီးခံရသည့်တဲအိမ်နှစ်လုံးမှာ PDFစခန်းဟုလည်း စစ်ကောင်စီတပ်ဘက်မှ ပြောဆိုမှုရှိသည်။ သို့သော် PDFစခန်းဟုတ်၊မဟုတ် People’s Spring ကအတည်မပြုနိုင်ပေ။
Public Service Announcement
