'/%3E%3C/svg%3E){kind=small}
ကယား(ကရင်နီ)ပြည်နယ် လွိုင်ကော်မြို့ စုပေါင်းရုံးတွင် တပ်စွဲထားသော စစ်ကောင်စီတပ်အား ညီနောင်မဟာမိတ်အဖွဲ့များနှင့်အတူ ပူးပေါင်းတိုက်ခိုက်ခဲ့ကြောင်း JPDF- Rangers အဖွဲ့က ယနေ့ (ဇန်နဝါရီ ၁၉)ထုတ်ပြန်သည်။
ယမန်နေ့ ည ၁၁နာရီ ၄၅ခန့်က လွိုင်ကော်မြို့ ဒေါဥခူရပ်ကွက်ရှိ ခရိုင်စုပေါင်းရုံး အား တိုက်ခိုက်ခဲ့ခြင်းဖြစ် ကြောင်း ထုတ်ပြန်ချက်တွင် ဖော်ပြသည်။
တိုက်ပွဲဖြစ်ပွားချိန် ၁၅ မိနစ်ခန့်ကြာမြင့်ပြီး အကြမ်းဖက်စစ်တပ်မှ ခြောက်ဦးခန့်သေဆုံးကာ ထိခိုက်မှုများစွာရှိခဲ့ပြီး ၎င်းတို့ဘက်မှ ထိခိုက်ဒဏ်ရာ တစ်စုံတစ်ရာမျှမရှိခဲ့ဘဲ ပြန် လည်ဆုတ်ခွာနိုင်ခဲ့သည်ဟု ထုတ်ပြန်ချက်က ဆိုသည်။
“သေဆုံးစာရင်းအား ထပ်မံစီစစ်ဆဲဖြစ်ပါသည်”ဟု JPDF-Rangers အဖွဲ့က ပြောသည်။
Public Service Announcement
“အဲဒီစုပေါင်းရုံးမှာ စစ်ခွေးတွေက ၇၀ ကနေ ၁၀၀ ကြားရှိတယ်ဗျ။ပြီးတော့ သူတို့ ဘယ်မှာ ကင်းပုန်းနေတယ် ဆိုတာ ကျွန်တော်တို့ အတိအကျရတယ်။နောက်ပြီး ဒီလမ်း၊ဒီနေရာတွေက ကျွန်တော်တို့ မွေးလာခဲ့တဲ့နေရာတွေ။သူတို့သာ လေယာဥ်ပျံ မသုံးနိုင်ရင် ကျွန်တော်တို့ တိုက်ပွဲက ဒီထက်မက နိုင်နေပြီလို့ ပြောလို့ရတယ်”ဟု အဆိုပါ တိုက်ခိုက်ရာတွင် ပါဝင်သော KDF ၏ ပြန်ကြားရေးတာဝန်ခံက လူထုနွေဦးသို့ ပြောသည်။
အထက်ပါ လွိုင်ကော်ခရိုင်စုပေါင်းရုံးတိုက်ခိုက်မှုကို JPDF ၊ KDF နှင့် GZ21စသည့် ညီနောင်သုံးဖွဲ့မှ စုပေါင်းတိုက်ခိုက်ခဲ့ခြင်း ဖြစ်သည်။
လွိုင်ကော်မြို့နှင့် အနီးတစ်ဝိုက်အား အကြမ်းဖက်စစ်ကောင်စီတပ်မှ လေကြောင်းဖြင့် ဗုံးကြဲတိုက်ခိုက်မှုများအပါအဝင် လက်နက်ကြီးပစ်ခတ်မှုများကြောင့် ပြည်သူအများအပြား ဘေးလွတ်ရာ တိမ်းရှောင်နေကြရသည်။
