စစ်​ကောင်စီတပ် တပ်စွဲထား​သော သာ​ကေတ ​ဘောလုံးကွင်းကို ​ဖောက်ခွဲတိုက်ခိုက်

ရန်ကုန်မြို့ သာကေတမြို့နယ်အ​တွင်း၌ အာဏာသိမ်းစစ်ကောင်စီများ တပ်စွဲထားသည့် ဘောလုံးကွင်းကို ဖောက်ခွဲမှုပြုလုပ်ခဲ့ကြောင်း ဗမာ့နောက်ဆုံးတော်လှန် ရေးလက်နက်ကိုင်တပ်ဖွဲ့ (B.F.R.A.F)က​ သတင်းထုတ်ပြန်သည်။

ယ​နေ့(ဇန်နဝါရီ ၂၂ ရက်) ညနေ ၆ နာရီခွဲခန့်တွင် သာကေတမြို့နယ် နယ်မြေရုံးမှတ်တိုင်အနီးရှိ အာဏာသိမ်းစစ်ကောင်စီများတပ်စွဲထားသည့် ဘောလုံးကွင်းကို ဖောက်ခွဲမှုပြုလုပ်ခဲ့ခြင်းဖြစ်ပြီး Double Capကားတစ်စီး ၊ Faw ကားတစ်စီး ပျက်စီးခဲ့ကာ စစ်ကောင်စီတပ် သားများ ထိခိုက်မှုရှိ၊မရှိကို မသိရသေးကြောင်း B.F.R.A.F အဖွဲ့ဝင်တစ်ဦးက ပြောသည်။

ဖောက်ခွဲမှုဖြစ်ပြီးချိန်၌ စစ်ကောင်စီတပ်ဖွဲ့ဝင်များက အခင်းဖြစ်သည့်နေရာအနီး၌ လမ်းပိတ်၍ စစ်ဆေးမှုများပြုလုပ်ခဲ့ကြောင်း ၎င်းက ဆိုသည်။

B.F.R.A.F အဖွဲ့သည် စစ်ကောင်စီတပ်ဖွဲ့ဝင်များ တပ်စွဲထားသည့်နေရာများကို တိုက်ခိုက်မှုများပြုလုပ်နေသည့် အဖွဲ့ဖြစ်ပြီး ယခုလမှစတင်၍ စစ်ဆင်ရေး အရှိန်မြှင့်မည်ဖြစ်သောကြောင့် ပြည်သူများ မလိုအပ်ပဲ အပြင်မထွက်ရန် သတိပေးထားသည်။

Public Service Announcement