ရေနံချောင်းမြို့နယ် ရွှေတုတ်ကန်ကျေးရွာရှိဒေသခံပြည်သူများထံမှ အတင်းအဓမ္မကောက်ယူထားသော လျှပ်စစ်မီတာခ (၈သိန်း)ကျပ်အား မြို့နယ်လျှပ်စစ်မီတာရုံးသို့ သွားရောက်ပို့ဆောင်စဉ် လမ်းခုလတ်တစ်နေရာ၌ တားဆီး သိမ်းယူခဲ့ကြောင်း ရေနံချောင်း ပြည်သူ့ကာကွယ်ရေးတပ်(PDF) က ထုတ်ပြန်သည်။
ယနေ့( ဇန်နဝါရီ ၂၄ရက်)တွင် မီတာခ ပို့ဆောင်သည့် အုပ်ချုပ်ရေးမှူးနှင့် အဖွဲ့အား ရေနံချောင်းPDFနှင့် Rangers Of Tropical Land(ROTL)တို့မှပူးပေါင်း တားဆီးပြီးသိမ်းယူခဲ့ခြင်းဖြစ်သည်ဟုဖော်ပြထားသည်။
အုပ်ချုပ်ရေးမှူးအပါဝင် သွားရောက်ပို့ဆောင်သူ ၃ ဦးအား ပြင်းပြင်းထန်ထန် သတိပေး ဆုံးမခဲ့ကြောင်း၊ ၎င်းငွေကျပ်(၈သိန်း)အား အာဏာသိမ်းစစ်ကောင်စီကို ခုခံတော်လှန်နေသောတော်လှန်ရေးအတွက် အသုံးချသွားမည်ဖြစ်ကြောင်းလည်းထုတ်ပြန်သည်။