စစ်ကိုင်းတိုင်း၊ မုံရွာမြို့ပေါ်ရှိ အာဏာသိမ်းစစ်ကောင်စီတပ်စွဲထားသောနေရာများနှင့်စစ်ကောင်စီထောက်တိုင်နေရာများ စုစုပေါင်း ၁၄ နေရာထက်မနည်း ဗုံးဖောက်ခွဲမှူများ ပြုလုပ်ခဲ့ကြောင်း မုံရွာမြို့ပြပျောက်ကြားအဖွဲ့များက သတင်းထုတ်ပြန်သည်။
ယနေ့ ဇန်နဝါရီလ ၂၇ ရက်နေ့တွင် ဘုရားနီအနီး ၁ လုံး၊ မြို့ပတ်လမ်း ၁ လုံး၊ ရန်ကင်းရပ်ကွက် ၁ လုံး၊ အဗန့်ချေးငွေလုပ်ငန်း ၂ လုံး၊ မုံရွာတောင်သုဿန်အနီး နွားခြံကုန်း ၁ လုံး၊ အေးရိပ်သာတောင်ဘက် ၂လုံး၊ ဗိုလ်တေဇလမ်းဘက် ၂ လုံး၊ ဗိုလ်တေဇလမ်း My Tel တာဝါတိုင် ၃ လုံး၊ နန္ဒဝန်ရဲစခန်းတစ်လုံး၊ မြဝတီဘဏ်နောက်ကြား ၁ လုံး၊ စက်မှုဇုန်ခန်းမပတ်ချာလည်၄ လုံး၊ နန္ဒဝန် EPC ၃လုံး၊ ဗိုလ်ချုပ်လမ်းရှိ KBZ ဘဏ် ၂ လုံး၊ စသုံးလုံးသို့ ၁ လုံး စသဖြင့် ဖောက်ခွဲတိုက်ခိုက်ခဲ့ကြောင်းမြို့ပြပျောက်ကြားအဖွဲ့များက အသိပေးသည်။
ဗိုလ်တေဇလမ်း My Tel တာဝါတိုင်ဖောက်ခွဲမှုတွင် စက်များထိခိုက်ပျက်စီးသွားသည်ဟုသိရကြောင်း၊ ထပ်မံပေါက်ကွဲနိုင်သည့်နေရာများရှိနေသေးသည့်အတွက် နောက်တိုးစာရင်း ကျန်ရှိနေသေးကြောင်း မြို့ပြပျောက်ကြားအဖွဲ့များက ပြောသည်။
အဆိုပါ ဖောက်ခွဲမှုများကို မုံရွာအခြေစိုက်Monywa Nightking၊ Monywa Phoenix Warrior၊ Monywa Ninja& ACF Monywa တို့က ပူးပေါင်းပြုလုပ်ခဲ့ကြခြင်းဖြစ်သည်။
Public Service Announcement
