စစ်ကောင်စီကိုဖိတ်တဲ့အတွက် သဘောထားကွဲလွဲမှုတွေကြောင့် ရွှေ့ဆိုင်းလိုက်ရတဲ့ အာဆီယံ နိုင်ငံခြားရေးဝန်ကြီးများအစည်းအဝေးကို လာမယ့် ဖေဖော်ဝါရီလ တတိယပတ်အတွင်း ကျင်းပမယ်လို့ကမ္ဘောဒီးယားက ကြေညာလိုက်ပါတယ်။
ဖေဖော်ဝါရီလ ၁၆ ရက်နဲ့ ၁၇ ရက်တွေမှာကျင်းပမယ့် အဲဒီအစည်းအဝေးမှာ မြန်မာနိုင်ငံ ကိုလူသားချင်းစာနာထောက်ထားမှုအကူအညီတွေပေးရေး ဆွေးနွေးမယ်လို့ အာဆီယံအလှည့်ကျဥက္ကဋ္ဌ ကမ္ဘောဒီးယား က ဒီနေ့မှာ ထုတ်ပြန်လာတာပါ။
ကနဦးကတော့ကမ္ဘောဒီးယား ဟာ အာဆီယံ နိုင်ငံခြားရေးဝန်ကြီးများအစည်းအဝေးကို ဇန်နဝါရီလ အတွင်းကျင်းပဖို့ စီစဉ်ခဲ့ပေမယ့် စစ်ကောင်စီကိုဖိတ်တဲ့အတွက် အထမမြောက်ဘဲ ရွှေ့လိုက်ရတာပါ။
ဒီတစ်ခေါက်ကျင်းပမယ့်အစည်းအဝေးမှာလည်း စစ်ကောင်စီကို ဖိတ်ကြားဖို့ ထပ်ရှိနေပြီး မြန်မာနိုင်ငံဆိုင်ရာ အာဆီယံအထူးကိုယ်စားလှယ်ဖြစ်သူ ကမ္ဘောဒီးယား နိုင်ငံခြားရေးဝန်ကြီးဟာလည်း နေပြည်တော်ကို လာရောက်ဖို့ပြင်ဆင်နေတယ်လို့ ထုတ်ပြန်ထားပါတယ်။
အာဆီယံဒေသတွင်း မှာ အင်အားကောင်းတဲ့ အင်ဒိုနီးရှား ၊မလေးရှားနဲ့ စင်ကာပူနိုင်ငံတွေကတော့ အာဆီယံ ဘုံသဘောတူညီချက်တွေအကောင်အထည်မဖော်မချင်း စစ်ကောင်စီကို အစည်းအဝေးပေးမတက်ဖို့ ပွင့်ပွင့်လင်းလင်းထုတ်ပြောထားကြပါတယ်။